Penya Blaugrana Macedonia

Расчистување стари сметки [Херкулес 0-3 Барселона]

2011-01-30T08:17:00.005+01:00

Сабота 29 јануари, 2011, Аликанте, стадион „Рико Перез“. Барселона дојде да наплати некои нерасчистени долгови. До почетокот на средбата тимот на Херкулес важеше за единствена екипа која има победа над Барса во првенството [и тоа на Камп Ноу].

Иако многумина можеби и ќе негираат сепак се чувствуваше дека тимот на Барселона е дојден за реванш. А причините се познати. Казнената експедиција се наоѓа во неверојатна форма и низа од 14 последователни победи во Примера, игра бесконечно добар фудбал, дели петки ширум Шпанија. Дамката од поразот во септември мораше да се отстрани. Сепак позитивната традиција и домашниот терен му даваа на Херкулес право и надеж за добра претстава. И рака на срце не се претставија ни малку лошо. Уште еднаш демонстрираа дека се една од ретките екипи која горе-долу знае како да ја неутрализира напаѓачката машина на Барселона.

Краткото резиме од натпреварот е следено: Доминација во посед на топката на Барселона [68%], добро, но не уверливо прво полувреме во кое домаќинот имаше одлична прилика за водство, гол на Педро кој според мене се покажа како клучен за натпреварот после неколку последователни грешки на одбраната на Херкулес, одлично второ полувреме во кое Барселона контролираше буквално се, за на крај најдобриот играч на светот да постигне два прекрасни погодоци. Претходно кажаното заокружено со бројки и статистика:

Херкулес 0 – 3 Барселона

Педро 43, Меси 88 и 89 минута. Нови три бода, 15та победа во низа и израмнување на рекордот на Реал Мадрид на Ди Стефано од пред точно 50 години, Педро стрелаше на 6ти меч во низа со што го помина Меси во таа категорија, Меси го запиша 21от гол сезонава.

Видеото од натпреварот во продолжение ...

Пет е бројот на сезоната [Барса 5-0 Силната Алмерија]

2011-01-27T01:10:00.001+01:00

Среда, 26.ти јануари... Камп Ноу прими околу 50.000 гледачи за кои полуфиналето на Копа дел Реј [Пехарот на Кралот] беше малку поважно од што и да правеа другите потенцијални 49 илјади гледачи за кои не беше доволен ни поводот, ни смешно ниската цена на карти [најефтините чинеа шест евра], ни сериозноста на противникот кој е само третата екипа во Примера која досега успеала да извлече нерешено против Реал сезонава.

Од друга страна, останува првата и единствена Ла Лига екипа која примила осумка и тоа на домашен терен, токму од нашата казнена експедиција, која денес се покажа како далеку подобар домаќин, отколку гостин. Впрочем, прашајте ги Мајорка и Херкулес за истово, ќе ви го потврдат [Ах тој Херкулес...].

Можеби токму затоа овие „исчезнати“ 50-тина илјади гледачи, од кои верувам повеќето пензионери за кои овие 3-4 степени по целзиус во Барселона се како -55 за нивните врсници од Сибир, одлучија дома на раат да гледаат натпревар, иако повеќето имаат годишна карта. Се наоѓаат на местото за кое јас и ти „би убиле“, имаат можност да го гледаат во живо тимот за кој навиваат и не ја користат. Нема правда на овој свет :)

А на теренот, што да видат... Силната Алмерија беше решена во првите 16 минути, а она потоа беше не попуштање или внимание за противникот, туку еден посилен компетитивен тренинг на кој поважно беше да се испитаат некои варијанти во играта и да се тестираат тактичките замисли на Пеп. До крајот, уште 2 гола во мрежата на Естебан, голманот за кого верувам дека сите може да кажете „Ми падна жал за човекот после првите 15 минути на Барса“.

Еве како изгледаа и првите 15 и преубавиот гол на Педро и мајсторијата на Кеитеееее т.е. Меси. Нареден меч... Е наредниот меч ќе е натпревар кој со посебна мотивација ќе го играат сите. Наредно играме против една од трите екипи кои не победиле сезонава, а две од нив веќе добија „петка“ [Севиља и Бетис]. Херкулес, доаѓаме по тебе.

И да не заборавам, апропо разврската во Копа дел Реј за која повеќе ќе пишувам наредната недела... Жозе, доаѓаме и по тебе. Повторно. :)

Шега, нормално, наменета за сите кои едвај чекаат да го видат името на почитуваниот тренер на Реал на блогов, за да започнат симфонија на лачење секрет од солзните жлезди :) Не доаѓаме по никого... Кому му стиска - нека дојде.

И за најкрај, иако е Алмерија [да де, тие што кркаа осмица] и иако ги тепавме 5-0 дома, внимателно треба да се пристапи во реваншот за да не се случи повторно службите од кардиологија да имаат многу работа наредната недела. Нека не' победат, ама со разумни 1-0, 2-1, и голови постигнати не во прва и прва-и-пол минута, туку во разумно време, да ги очекуваме. Така ем во Алмерија ќе се направат многу деца наредна недела, ем навивачите на Реал ќе може да кажат дека сме го кркале од Америја, а тие успеале да им извадат реми. Фер енд сквер, нели?

Сантандер, доста ти е за годинава [Барса - Расинг 3:0]

2011-01-27T00:34:00.001+01:00

Ова е тимот кој го прави фудбалот да изгледа како најлесната работа на светот. Уште една мајсторска изведба на шоуто „Барселона, тим за кој ќе се зборува“, во првото „пролетно“ коло во Примера, против Сантандер, ќердосан со „трички“ голчиња, исто како и во првото коло во Сантандер. Тогаш головите ги постигнаа Меси, Иниеста и Виља, а овој пат се е исто, само Виља го нема - тројката на Меси и Иниеста ја заокружи Педро.

Доживотен договор за Жозе Мурињо

2011-01-19T21:51:00.000+01:00

Доаѓањето на Жозе Мурињо на чело на Реал Мадрид значеше дека Лос Бланкос добија засилување не само во техничко-тактички смисол туку дека сериозно се засилија и во редовите на оние задолжени за „специјалната војна“ која секојдневно ќе се води по медиумите и ќе има за цел некаде да го подигне, некаде да го олабави притисокот, зависно од потребата, со цел да се дестабилизира противникот, а да се задржи мирот во сопствената соблекувална.

„Специјалниот“ не чекаше долго пред да почне да ги фрла отровните стрелички, вешто, перфидно, на адреса на противничките тренери, играчи, на адреса на судиите и федерацијата, истовремено обидувајќи се да врши притисок од позиција на тренер на најтрофејниот клуб во Шпанија и да подготви терен за алиби во случај на неуспешна сезона.

Кога станува збор за Мурињо, не може да се спори за тоа дали го храни својот егоманијачки порив тенденциозно и храбро превземајќи го притисокот врз себе, или едноставно тоа му доаѓа така „само по себе“ - Му обожава да биде во центарот на вниманието. Не може да се спори и за нешто друго. Лајтмотивот на функционирањето на Жозе, каде и да е, е дека тој - „НЕ МОЖЕ ДА ПОГРЕШИ!“. Ароганција пар екселанс, прифатена со обете раце од страна на неговите поддржувачи, оправдана со неговото неоспорно познавање на фудбалската игра кое резултирало со повеќе освоени титули на национално и европско ниво.

МИСИЈА: Барселона

Во една прилика пишувавме за обидите да се „закачи“ со Пеп, на неколку наврати. Дека ова ќе се случи, знаеа и малите дечиња во Барселона, па Пеп и екипата беа подготвени за се што Жозе, мајсторот на скандалот, ќе им' смисли. Впрочем, неговото доаѓање во редовите на тимот од Мадрид е со една единствена цел: да се победи Барселона.

Му, користејќи ги стандардните тактики, секогаш избегнуваше директно обраќање до тренерот и клубот, поради што и не му беше одговорено на начин на кој посакуваше. Другите тренери неретко знаеа нервозно да изреагираат на провокациите на Му, нешто што Пеп не смее/ше да го направи и потполно фокусиран на својата екипа си ја гледа својата работа, а не работата на другите, за што заслужува почит. И не само Пеп... Ретко, само во 2 или 3 прилики играчите на Барса прашани за некои ставови на Мурињо коментираа кратко: „Не не' интересира“, „Не' ни пречи, напротив, не' мотивира“ и слично. Единствено Дани Алвеш се најде во малку поширок муабет со тренерот на второпласираната екипа во Шпанија последните неколку години, шегувајќи се на сметка на изјавите на Жозе.

Дека Мурињо непотребно ги мотивираше момците од Блауграна машинеријата се покажа и на 29. ноември минатата година, кога Специјалниот мораше да ја држи својата голема паметна уста затворена и скриена во глувчјата дупка на клупата за резерви, веројатно смислувајќи начин како да ископа тунел од под Камп Ноу директно до Мадрид, за момент откако ќе сфати дека тоа е реално неможно, да започне да ги координира мислите во еден Гебелсов манир, со цел да не признае отворено дека сака земјата да го голтне во тој момент.

ЗБОРОВИ ОПАСНИ ПО ЖИВОТ

Арсеналот на „отровни стрелички“ на Мурињо е голем: почнувајќи од обвинувањата за постоење на двојни стандарди и во Шпанската примера, и кај УЕФА, и насекаде каде и да оди (калимеро синдром „Целиот свет е против мене дека сум многу добар“), преку дрското однесување кон противничките тренери, до вадењето на списоци со изброени судиски грешки, кои го оштетиле неговиот тим, нешто незамисливо за клуб од рангот на Реал Мадрид, еден од двата најуспешни тимови во Шпанија кои често се наоѓаат на поубавата страна од медалот кога се во прашање одлуките на „луѓето во црно“ - нешто што некој би рекол дека е „нормално“ бидејќи станува збор за големи екипи - иако пак, додуша многу поретко, токму судиите навистина знаеле да „свират“ разулавено контра посилниот, дали во корист на послабиот противник во моментот или не [„Виљарато“ и „Види колку пенали му досудија на Реал“ експертските размисли ќе ги оставиме на страна во моментов], пресудете сами.

Да се потсетиме, станува збор за истиот човек кој со таквото однесување „го пензионираше“ шведскиот судија Андерс Фриск после обвинувањата дека на полувремето од натпреварот меѓу Челзи и Барселона, на кој на Дидие Дрогба му беа покажани два жолти картони, го поканил тогашниот тренер на Барселона Франк Рајкард во својата соблекувална на полувремето, сакајќи да наведе на размислување дека токму Фриск и Рајкард на полувреме седнале во соблекувална, веројатно пресекле парче посебна и осоговски овчи кашкавал, наздравиле со ракија и одлучиле да му го плакаат мамето на Мурињо, бидејќи најубаво се облекува, потсетува на Џорџ Клуни, а неговото фудбалско знаење и успеси може да го сонуваат Фергусон, Трапатони и Маринус Михелс - заедно.

За оние кои заборавиле, Андерс Фриск е судијата на финалето на ЕУРО 2000. меѓу Франција и Италија, судија на полуфинални натпревари во Лигата на шампиони и ЕУРО 2004. и според Пјерлуиџи Колина, единствениот судија кој тој би го одбрал да го суди финалето на СП 2002. наместо него. Но, врската меѓу Жозе и добар дел од фановите на екипите кои ги води [оние со пократок фитил секако го сакаат], е силна, па веднаш по таа изјава Андерс Фриск започна да добива смртни закани и недолго потоа изјави дека моментално се повлекува од судењето, токму поради стравот од смртен епилог на зборовите на Жозе по него или по неговата фамилија.

КАЛИМЕРО, НЕМА ПРАВДА!

На прес конференцијата после натпреварот меѓу Реал и Севиља на Бернабеу, Жозе извади листа со 13 судиски грешки, на меморандум од клубот, што значи дека некој за време на мечот го бележел она што го смета за грешка на судијата Клос Гомез и му го дал во форма на официјален документ во рака на Специјалниот, за овој да има на писмено повод плус да ги „подбуцне“ судиите кои „не го сакаат него и неговиот клуб“. Настан кој е преседан во историјата на фудбалот, а особено кога станува збор за тим како Реал од Мадрид. Настан кој никако не е во склад со поимањето на фудбалската игра како спорт кој не е имун на човечките грешки, за кои да, разбирливо е да има повремени реакции од тренерите на екипите кои сметаат дека се оштетени, но истите се помалку смешни кога доаѓаат во форма на акутен синдром од човек на кој не можете да извадите со клешти половина збор критика дури и кога ќе му воочите дека нему милите пулени, како Кики Роналдо и Ди Марија, паѓаат по неколку пати на секој натпревар како погодени со Црна Стрела, притоа изнудувајќи пенали, картони или фаули во близина на голот. Тоа е човекот кој обвинува за двојни стандарди во фудбалот, за двојни правила: едни важеле за сите останати, другите само за него.

Послениот испад на Жозе и управата на Мадриѓаните е всушност и поводот, но не и причината за овој текст. После стандардното коментирање на судиските одлуки во последните неколку натпревари на Реал во купот и Ла Лига, на официјалното соопштение посветено на реванш натпреварите од Копа дел Реј, објавено на официјалниот сајт на шпанската фудбалска федерација, во делот во кој се најавува реваншот меѓу мадридските ривали, на крајот на текстот стоеше:

„...Судијата Туриендо Алварез ќе го суди реваншот [помеѓу Атлетико и Реал], под будното око на Мурињо, кој е незадоволен од судењето [на мечевите на Реал] во последните неколку кола во Примера...“

Оваа реченица, подоцна отстранета од официјалниот билтен на РФЕФ, беше повод клубот на својот веб сајт да објави соопштение во кое стои:

„Во врска со повеќето новински извештаи за официјалниот билтен на РФЕФ кој алудира директно на нашиот тренер Жозе Мурињо, ФК Реал Мадрид сака да:

1. го изрази своето незадоволство од таквите референци на официјалниот сајт на федерацијата

2. ја потенцира штетноста на ваквите референци објавени на официјалниот веб сајт на федерацијата во врска со нашиот тренер, кои се далеку од објективни, неутрални и фер предрасуди какви би требало да содржи еден официјален билтен на ова тело

3. категорично да одбие понатамошно карактеризирање на нашиот тренер на начинот на кој што тоа го прави официјалниот веб-сајт на федерацијата, бидејќи според нас ова може намерно да предизвика свртување на организација како Судиската против тренерот на Реал Мадрид и самиот клуб

4. побара одговорност од надлежните поради искажаната непочит кон нашиот тренер, клубот и фановите

5. искаже жалење за публикацијата на вакви официјални билтени на официјалниот сајт на федерацијата, иако Реал Мадрид ќе продолжи со напорите за одржување на најдобрата можна релација меѓу клубот и федерацијата во рамките на она што сметаме дека е во полза на шпанскиот фудбал“

[преводот е слободен, неофицијален, а оригиналот може да го прочитате тука]

Иако искажаното во билтенот на РФЕФ можеби е непотребно, сепак покрај известувањето за тоа кои дуели се на програмата во Копа дел Реј, билтенот содржи и фрази како оваа: „...Момците на Лотина ќе се сретнат со тимот кој е мотивиран после ремито против Реал Мадрид во лигата. Последниот тим во Примера започнува со преднсота стекната во првиот меч од 1-0...“. Станува збор за описот на натпреварот меѓу Депор и Алмерија, а слични описи има и за другите дуели. Значи, не станува збор за некакво сувопарно информирање, туку авторот на билтенот нуди малку ја порширува рамката на досадноста и ги кажува најактуелните информации во врска со натпреварите.

Нејсе, некој реагирал, федерацијата сметала дека е неприкладно во извештајот да стои делот за Мурињо, го отстранила, па Реал Мадрид изреагирал. Иако, напишаното е едноставно чиста вистина која ја знаат и врапчињата во Шпанија, ја пренесуваат сите можни весници, телевизии и радио станици.

ЖОЗЕ ЗНАЕ НАЈДОБРО

Како потсетување за причините поради кои Реал реагира вака бурно, Судиската организација во Шпанија покрена [уште една] истрага против Жозе Мурињо за изјавите по мечот против Алмерија на кој „кралевите“ ремизираа со последно пласираната екипа во Примера, 1-1. На прес конференцијата по мечот, Жозе за судијата Перез Ласа изјави: „Се надевам дека никогаш повеќе нема да ни суди нам, ниту на Барса“.

Колку благородно од негова страна. Сепак, обидот уште еднаш да се стави во улога на човекот кој сите треба да го слушаат и веројатно најдобро би ги делегирал судиите во Шпанија, не помина незабележан од Судиската организација, па Жозе има недела дена да се одбрани од обвиненијата т.е. да објасни што сакал да каже со тоа, после што ќе биде или нема да биде изречена некаква мандаторна казна против него, каква што на пример си заработи и Пеп Гвардиола поради инцидентот по мечот на Барса со Алмерија минатата година - на тој меч Пеп доби црвен картон затоа што наводно на судиите им рекол „свирите без врска цел натпревар“, нешто што Гвардиола жестоко го негираше и го нарече Клос Гомез [истиот судија од инфамозната „листа со 13 грешки“] „лажго“. И си помина еден натпревар на трибините наместо покрај аут линијата.

Сепак, Пеп не излезе на прес конференција да се жали за некакви двојни стандарди или неправди нанесени врз него, туку мирно ја прифати казната од РФЕФ, одбивајќи да го коментира тој случај понатаму, бидејќи го има истиот став кој го искажал во прв момент - „Не ги кажав зборовите поради кои ме исклучија“.

За очекување е после казната која ќе му ја изрече Судиската Жозе повторно да ја започне својата жалопојка, која ќе предизвика чувство на индигнација кај повеќето мадридисти, револт кај тренерите на помалите екипи, и „not a single fuck“ меѓу играчите и стручниот штаб на Барса.

ПРАВДА ЗА МУ, ВЕДНАШ!

И бидејќи некој повторно ќе искоментира дека „зад добриот коњ прашина се дига“, а некој дека „коњ си е коњ, без оглед колкав бербат прави“, за да ги смириме тензиите, ќе го презентираме нашето соопштение во врска со соопштението на Реал Мадрид.

„Во врска со соопштението на официјалниот веб сајт на ФК Реал Мадрид [во понатамошниот текст „Реал“] кој алудира директно на грозоморните обвинувања упатени на адреса на Жозе Мурињо [во понатамошниот дел од текстот „Му“], Пења Блауграна Македонија сака да:

1. го изрази своето незадоволство од преблагата реакција на Реал преку својот официјален сајт, а во врска со тиранскиот однос кој РФЕФ перфидно го демонстрираше и има за цел да ги сврти против Реал оние 2-3 милијарди преостанати луѓе во светот кои не го зафаќаат овој став во моментот

2. ја потенцира штетноста на попуштањето на Реал пред РФЕФ и нивните монструозни конструкции кои имаат за цел да ги сатанизираат Реал и Му и се далеку од објективни, неутрални и фер. Воедно сакаме да ги охрабриме тренерот, клубот и навивачите да влезат во отворена битка со неправедната рака на федерацискиот октопод кој напати досега демонстрирал анимозитет кон Реал и флагрантно ги прекршил правилата на фер однесување, со цел да му наштети на имиџот и резултатите на клубот.

3. категорично да инсистира шпанската федерација да се откаже од било какво гонење и казнување на Му, да ја распушти судиската организација и да формира трилатерална комисија која во иднина ќе ги делегира судиите и ќе ја оценува нивната изведба, со право на стрелање на секој судија кој ќе заработи оценка помала од 9, на скалата од 1 до 10; комисијата треба да ја сочинуваат Му, Кристијано Роналдо и Ангел Ди Марија, а во случај на спреченост на вториот и третиот член, поради нивните обврски во служба на уметноста [редовните проби во театар], нивното место да го завземат уредниците на Марка и Ас, два реномирани, максимално објективни весници

4. побара одговорност од сите судии кои некогаш му суделе на Му поради искажаната непочит кон неговото фудбалско познавање и единствената апсолутна вистина во светот „Му е секогаш во право“, со што директно влијаеле за воспоставувањето двојни стандарди во фудбалската игра - едни правила да важат за него, други за сите останати - што е ужаснувачки факт поради кој истите судии треба во најмала рака да одат во затвор, а не во пензија; Секој судија треба да е свесен за еден факт: Му никогаш не губи на фер начин, секогаш некој му „сместува“ - а ако се е фер и коректно, Му секогаш ќе излезе како победник; во рамките на ова, предлагаме ФИФА и УЕФА веднаш да им ги одземат сите титули на тимовите кој се натпреварувале во иста национална лига или европско натпреварување со некој тим на Му и го освоиле натпреварувањето, и истите да бидат доделени на тимовите на Му, бидејќи во фер и коректна атмосфера, тој секако би ги освоил; конечно, ФИФА и УЕФА треба на репрезентацијата на Португалија да и овозможат директен пласман на Европското првенство во 2012, бидејќи Му секако ќе ги однесеше таму, ако не му забранеа злите духови навлезени во телата на челниците на Реал и Португалската фудбалска федерација

5. искаже жалење за мачната судбина и темните времиња, односно емпатија кон тимот кој секогаш демонстрирал само фер игра и се залагал за дејствување само во полза на подобрување на шпанскиот фудбал, особено откако истиот тим е предводен од страна на човекот кој е модел за коректен професионалец, а претседател на тимот е човекот кој на чудесен начин во утробата на неговата мајка е зачнат од божицата на етиката, Фунта

6. инсистира поради претрпен психички стрес и клевета на Му веднаш да му биде понуден доживотен договор за тренер на Реал, да му бидат обезбедени термини за радио и тв емисии во кои ќе дели совети за судии, тренери, играчи, како и да му биде загарантирана максимална слобода на одлучување во Реал и шпанската лига, односно своевидно право на вето за секоја одлука која тој, како „специјален“ ќе процени дека не е во склад со позитивните прописи од неговата глава, т.е. со она што тој смета дека е штетно за фудбалската игра [како на пример доделените картони - освен кога тој нема да одлучи дека треба да се доделат, примени голови, нерешени резултати и не-дај-Боже порази на неговиот клуб]

Предлагаме измените да стапат на сила веднаш“

Освен ако не се случи заговор од интерпланетарни размери во кои ќе е вмешана и некоја виша сила, па Жозе навистина да го напушти Мадрид во јуни... :(

Штета. Со него, животот е навистина поинтересен. Во името на Специјалниот, Тренерот и Светиот Му....
...Чави!

Давид Бабунски со гол за победа!

2011-01-19T16:45:00.001+01:00

Давид Бабунски, првиот Македонец кој гордо го носи дресот на нашиот омилен клуб, постигна уште еден гол, одлучувачки, за победа на Јувенил Б тимот на Барса против екипата на Прат. Честитки за Давид, очекуваме серијата голови и добри игри да продолжат, па за неколку години да го гледаме во боите на блауграна редовно на Камп Ноу.

Ова е тимот кој нема граници [Барса 4-1 Малага]

2011-01-19T16:36:00.001+01:00

Задоцнето но не и заборавено :-) Еве ги головите од мечот со Малага, чисто колку да стојат во архива. Според скромното мислење на вашиот уредник, станува збор за еден од подобрите натпревари кои тимот ги изигра во последно време. Со овој меч се заокружи првата половина од годинешната Примера, во која Барселона одигра фантастично и сруши грст рекорди: најмногу освоени поени во една полусезона - 52 од можни 57, гол разлика од +50! (61-11)... и сите други факти кои веќе се влезени во историјата, а ги повлекуваат спомнатите резултати. Фантастично! Само вака нека продолжи...

И за сите сладокусци, eве ги најзначајните моменти од 10-те минути кои Ибрахим Афелај ги помина на теренот, коментирани од легендарниот Реј Хадсон.

Pep, T'Estimo!

2011-01-18T20:33:00.001+01:00

Пишува:

Горјан Камчев

18 Јануари 1971 е датумот кој вечно ќе се памети и ќе биде запишан во историјата на Futbol Club Barcelona. Oва е датумот кој вечно ќе се памети во Барселона, датумот на кој кога ние би биле на родителска кај нашите наследници, во Барселона би било неработен ден, празник, кога толпи од народ би ја преплавиле Rambla, и би направиле „Pasillo“ пред 6-метарскиот споменик, за тој да може да дојде до бината и да рече: „Немаше јас да ја добијам сета оваа почит и овој историски споменик доколку не беа моите момци, доколку не беа со мене Тито, Чави, Лео, Пуји, Андрес, Цеск, Тиаго и останатите. Сите тие го заслужуваат ова и се дел од овој споменик“, а од никаде ненадејно би се појавиле Пике и Џими Џамп со голема роденденска торта во форма на ‘Manita’ (рака). ДА тој е датумот, на 18-тиот ден во годината кога сите ние ќе му посакаме Среќен Роденден на нашата легента, на нашиот херој Josep "Pep" Guardiola i Sala.

Роден е во Santpedor, Barcelona, Catalonia како трето дете, тој има две постари сестри Francesca и Olga, и еден помал брат Pere. Оженет е со Joanna Soné, и има три ќерки, Maria (10 год.), Marius (7 год.) и Valentina (2 год.). Но да одиме на неговата кариера.

Пеп својата професионална кариера ја започна во FC Barcelona. На 13-годишна возраст тој и се приклучи на познатата школа на Барса, La Masia, и таму помина 6 години, години во кој покрај фудбалот се учат многу благородни работи, пред се да бидеш човек, да бидеш џентламен на теренот.

Во неговите први денови во клубот, тогашниот тренер на А тимот Јохан Кројф, се појавил на ‘Mini’ стадионот при некој пријателски натпревар, и на полувремето се симнал до клупата, за да го праша Карлос Решак (тогашниот тренер на младинците) за името на едно слабо младо момче кое играло на десната страна на средината, „Гвардиола – добро момче“ кратко одговорил Рексач, Кројф го игнорирал неговиот одговор и му рекол во вториот дел да го игра како централен играч во средината на теренот, како пивот (задњи везни), многу тешка позиција за адаптација, и позиција која никаде во Шпанија не се користела. Пеп Гвардиола се адаптирал веднаш на таа позиција, како што претпоставил Кројф. И кога тој премина во А тимот, стана вистинска точка на ротација (позиција во средината во која тој е центарот, а сите останати ротираат околу него) во Дрим Тимот. Дебитираше против Cadiz.

ЕL CAPITAN

Кројф многу често го употребуваше, а во 91-92 година стана и стандарден првотимец, и со само 20 години ја освои Ла Лига, Европскиот Куп (Лига на Шампиони), како и Олимпијадата со Шпанија. По заминувањето на Кројф, Пеп продолжи да биде незаменлив на средината, а подоцна и ја добива капитенската лента, и продолжи да освојува титула под палката на Боби Робсон.

По 12 години во првиот тим на Барса и 479 одиграни натпревари, Пеп заокружи бројка од 16 освоени титули со Барса, и реши да ја смени средината, последниот меч во Блауграна дресот го одигра против Селтик. Продолжи во Италија (Бреша).

Исто така има одиграно и 47 натпревари и постигнато 5 голови за Шпанска Репрезентација, и 7 натпревари за Каталонија. Има многу освоени индивидуални награди меѓу која е и наградата Најдобар играч на Шпанија, на Олимпијадата 1992. Во Барселона.

По играчката кариера следува и тренерската кариера

По завршувањето на играчката кариера Пеп се враќа назад на местото на „злосторот“, на местото каде што ги доживеа најсјајните моменти во неговата кариера, се врати во Барса.
На 21 Јуни 2007 Пеп Гвардиола беше назначен за тренер на Барса Б, заедно со Тито Виланова како негов асистент (неговиот соиграч и пријател). И веднаш уште во првата сезона се осети нешто посебно кај Пеп, ја освои Tercera División (четвртата по ранкинг лига во Шпанија), а со тоа и се избори за плејоф натпревар за влез во Segunda Division B.

JOB WELL DONE

По неславниот крај на славната ера на Франк Рајкард, раководството на Барса на чело со Жоан Лапорта реши да се раздели со Рајкард, и беше во потрага по нов тренер. Се вртеа многу имиња, како Лаудруп, Венгер, Ван Гал, но најголем фаворит беше тогаш слободниот и најпосакуван Жозе Мурињо, и работата беше речиси завршена, Мурињо беше одбран, но при разговорите и плановите со Моу, раководството му понудило тој да биде тренер, но Гвардиола да биде негов асистент (помошник), Жозе не сакал да ја прифати таквата понуда, туку тој сакал свој тим. Во тие моменти на размислување, дали да му се удоволи на специјалниот, Јохан Кројф стапил на сцена, го побарал Лапорта и му рекол да го назначи Гвардиола за менаџер, дека тој верувал во него. Лапорта го послушува и Жосеп Гвардиола е назначен за менаџер на Барса за сезоната 2007/2008, заедно со Тито Виланова како негов помошник. Ова е можеби најдобрата одлука донесена во последнава деценија.

Ретко кој тренер во својата дебитантска сезона би се дрзнал да биде менаџер на гигант како Барса, но многу разнишана Барса во тој момент, Барса на која и треба помош од искусен стручњак. Но Пеп не се уплаши, не само што не се уплаши од предизвикот туку и се осмели храбро на продажба да ги стави тогаш најголемите ѕвезди, најбитните играчи, легендата Роналдињо, Деко, Замброта. После нивното заминување сите се посомневаа во способностите на Пеп. На нивно место донесе едно звучно и повеќе анонимни засилувања, Алвес, Пике (тогашниот играч во Б тимот на Ман. Јун.), Кеита и Касерес. Покрај нив донесе и други 3 засилувања, со себе си ги донесе Бускетс, Педро и Жефрен од Б тимот, играчи кој добро ги познаваше. Дотогаш анонимните играчи кој предходната година играа во четвртата лига, многу брзо станаа стандардни играчи во тимот, а по само една година и незаменлив дел од Шпанската Репрезентација. А Пике за само една сезона стана еден од најдобрите дефанзивци во светот и столб во Шпанската репрезентација.

На презентацијата на тимот, Пеп излезе со скромна изјава и рече „Не ви ветувам титули, но ветувам дека ќе дадам се од себе“. Дебито го имаше во квалификациите за ЛШ против Висла Краков и забележа победа од 4-0, но не беше се така розово за него. Шпанското првенство го започна со шокантен пораз од тогаш новајлијата Нумансија, а во наредниот натпревар следуваше нерешен резултат со Расинг Сантандер, и веднаш почнаа да ја нишаат неговата клупа, критиките не запираа, и се претпоставуваше нова неуспешна сезона за Барса. Но Пеп беше имун на сите напади и критики и не смени ништо, си продолжи по негово, со стилот како што него го учеле со добро познатиот 4-3-3 стил на Јохан Кројф. И тоа му донесе успех, Анри, Ето и Меси блеснаа и веднаш следеа 20 натпревари без пораз и избивање на чело на Примера. Од тогаш се течеше како подмачкано, како од бајките, Барса играше како на Плејстејшан како од друга планета, а тоа на своја кожа и во своја куќа најдобро го почуствува најголемиот ривал Реал Мадрид . Меренгуесите беа демолирани со 6-2 а титулата беше на прагот.

чуј! стари... „Шта је ударац на прва ?“

Пеп ги живееше тие моменти како во сон. Но по само неколку дена следеше можеби најтешкиот натпревар во неговата кариера, по 0-0 на Камп Ноу следеша реваншот од ½ финалето во ЛШ на Семфорт Бриџ против тогаш цврстиот Челзи на Гус Хидинк, и кога Челзи со скоро двете нозе беше во финалето, кога се беше спремно за славје, кога и Пеп веќе се помири со поразот, чудото дојде, знаеме сите што се случи, Андрес стана Сан Андрес. Потоа падна и шампионот Манчестер Јунајтед на Алекс Фергусон, предходно и Копа дел Реј се освои, и секој втор збор на навивачите беше ‘Triplete’.

MY DREAM IS TO FLY...

Но Пеп не се задоволи со тоа, и продолжи да руши рекорди. Веднаш потоа се реши да го продаде и најдобриот стрелец Самуел Ето. Барса продолжи со ист стил, а играчот што тој го промовираше, што тој го направи играч, Педро, му донесе 6 титули од можни 6. И невозможното стана возможно, подвиг што ниту еден тим/менаџер никогаш го немал остварено. Пеп тоа го направи и тоа во дебитантската сезона за него, а веднаш потоа следеа и индивидуалните награди за најдобар менаџер на светот, и многу други.

Следната сезона Пеп не го промени многу тимот, а Барса продолжи да блеска, Меси доби многу повеќе простор и се вивна во височините, не постоеше мрежа што ја немаше затресено 2-3 пати. Во ЛШ доживеа неуспех во ½ финалето против Интер, предводен од Жозе Мурињо, како да сакаже Моу да му каже кој е подобар, но Пеп ги памети таквите моменти и учи од грешките. Но во Ла Лига следеше рекордна сезона, Барса ја освои со 99 поени, што беше нов рекорд.

Во оваа сезона Барселона игра фудбал каков што не се памети до сега ‘Tika-Taka’ функционира совршено, а рекордите не престануваат да се нижат. Реал Мадрид се расфрла со огромни пари, ги донесе најдобрите играчи што можеше да ги земе, го донесе и Жозе Мурињо, со само една цел – да се запре оваа Барса на Гвардиола, ако предходната година Мурињо му одржа „лекција“ по дефанзивен фудбал, катанаџо на Гвардиола, оваа година Пеп му одржа лекција по фудбал, по модерен фудбал, го демолираше Реал Мадрид на чело со Мурињо, Роналдо и Касиљас со 5-0. И по само половина сезона има 52 поени (никогаш до сега не освоил некој тим толку поени), и исто така рекордна гол разлика од 61-11.

Точно дека голема е улогата на Меси, Чави, иниеста, но Пеп Гвардиола е диригентот. 8-те титули во само 3 години, кажуваат се. Ги победи, надмудри многу поискусни и подокажани стручњаци од него, како Хидинк, Фергусон, Венгер, Мурињо.Стана единствениот менаџер кој има 5 успеси во серија во Ел Класико натпреварите. Пеп е вистински џентламен, никогаш не се скарал со некој колега (тренер), никогаш не ги напаѓа и не ги коментира судиите. На теренот знае понекогаш да изреагира на неправдите од судиите, но никогаш не се пожалил од некој судија. Пофалби добива од сите страни, а Фергусон го посака за негов наследник во Манчестер Јунајтед. Но Пеп е верен на Барса, како најголем барселонист, каталонец во срцето, дете на клубот, капитен, предводник, пред се човек, човек со огромна храброст, џентламен, легенда и херој на сите фанови на Барса.

Со само 3-годишна кариера тој веќе влегува во историјата, во друштво со Кројф и Сер Алекс Фергусон, луѓе, тренери кој допринеле нешто во фудбалот, кој го модифицирале, кој ја надградиле фудбалската игра, внеле нешто ново. Пеп и Барса ни го преставуваат фудбалот во вистинска смисла на зборот, ни овозможуваат да се чуствуваме горди, да уживаме. Гвардиола е нашиот Сер Алекс, Гвардиола е нашиот вечен тренер.

На овој ден, на неговиот роденден, сакам да му се заблагодарам за се што направи за ние навивачите да се чуствуваме вака.
Среќен Роденден\ Happy Birthday\ Feliz Cumpleanos Josep "Pep" Guardiola i Sala !!! …

… T’ESTIMO!

Нова „петарда“ [Барса 5-0 Бетис]

2011-01-13T03:18:00.007+01:00

После не цели 5 месеци од тековната сезона „петардите“ станаа навика кога во прашање е Барселона. Денес Бетис на своја кожа ја осети немилосрдноста на каталонската машинерија. Нова „петка“, овојпат за водечкиот тим од „Сегунда“ кој на моменти покажа дека неправедно игра во понизок ранг. Имаа и гостите свои минути на половината на Барса, но она што не го искористија нивните напаѓачи подоцна беше наплатено со камата.

На натпреварот му претходеше презентација на „Златната топка“ од страна на Меси. Малиот „волшебник“ публиката ја почести со нов „хет-трик“ само колку да ги потсети „злогласните усти“ зошто втора година по ред е најдобар на планетата.

Видеото од натпреварот во продолжение...

Футболитис: Стрип на денот [12.01.2011]

2011-01-12T15:44:00.001+01:00

Еволуциите на „кантерите“ [младинските школи] на Барса [горе] и Реал [долу]. Убав одговор на сите душегрижници од мадридските весници кои ја сметаа за шокантна одлуката на околу 400 луѓе, селектори, капитени и новинари, да го изберат Лионел Меси за добитник на првата ФИФА Златна Топка, „на штета“ на останатите двајца финалисти Андрес Иниеста и Чави. Nuff' said.

ИЗВОР: SPORT.ES

Само четири... :( [Депор 0-4 Барса]

2011-01-12T15:40:00.001+01:00

Пополека се враќаме во форма после новогодишните празнувања, за среќа многу побавно отколку играчите на Барса. Тие во меѓувреме, додека ние се веселевме во постновогодишниот период на реални и измислени причини, им шибнаа едно четворче на колегите од А Коруња, на нивен терен.

Непирово реми во дербито на „независните“ [Атл. Билбао 1-1 Барса]

2011-01-07T13:53:00.000+01:00

Ако некој некогаш каже дека гостувањето на катедралата Сан Мамес е лесен помин, без оглед на моменталната форма на Баскијците, тогаш тој е будала. Конечните 1-1 го отсликуваат токму тоа: не одигравме најдобро, но моравме да се потрудиме со сите сили за пласман во четврт-финалето. Пеп извади формација која требаше да парира на физикалците од Билбао и успеа во тоа. Одигравме добро, иако имаше моменти на одбранбена несигурност, неефикасност кога мора да се даде гол - индивидуални грешки.

Тимот е на патот за уште едно Ел Класико... со трофеј како цена. Stay tuned...

Први и во Новата година [Барса 2-1 Леванте]

2011-01-03T12:13:00.000+01:00

Рекорден 549. настап за Чави. Пар голови на Педро, брилијантна игра на Абидал. Неефективност пред бункерот на Леванте. Победа од [само] 2-1. Обично секогаш се мачиме на првиот меч во новата година, по традиција, па иако е против Леванте, екипа која има постигнато половина од головите на Меси сезонава, сепак станува збор за тим кој му скина 2 бода на Мадрид на почетокот на Ла Лига. Па она што е најважно е дека 2-1=3 :)

За 2 дена гостуваме на Катедралата Сан Мамес во Билбао, баскиската тврдина која ја освоивме еднаш сезонава. Ферски не' намачија на Камп Ноу пред Нова година, па време е за конечната пресметка за пласман во четврт-финалето на купот... Играта мора да се корегира. За почеток, Бојан не мора да бега од голот махинално секогаш кога ќе добие топка, Дани Алвеш подобро воопшто нека не нафрла топки... Лео нека покаже дека се одморил како човек. Абидал и Пике ќе се справат со Љоренте. И ќе победиме 0-5. Или 0-1, сеедно.

Ибрахим Афелај се збогуваше со ПСВ

2010-12-20T17:38:00.001+01:00

Најновата аквизиција на Барса, Ибрахим Афелај го одигра последниот натпревар за ПСВ Ајндховен, тимот во кој ја помина целата своја досегашна кариера, тимот за кој одигра 157 официјални натпревари, постигна 36 гола и асистираше неброено многу пати.

Афелај, капитен на холандскиот прволигаш, од фановите на тимот доби поздрав...
...каков што заслужува, поздрав полн со емоции, транспаренти на кои стојат најдобрите желби на навивачите за успех на неговата понатамошна кариера во Барселона [на еден огромен транспарент го имаше и нашето лого, ќе го видите во првото видео], а по крајот на мечот публиката на Филипс стадионот непрекинато го скандираше името на својот веќе екс-капитен, на најдобар можен начин заблагодарувајќи му се за се што направи за клубот и покажувајќи дека ја разбира неговата желба за напредок во кариерата и освојување на титули од највисок ранг.

Холанѓаните пееа: Иби, довидување, ти посакуваме многу среќа во Барса!

Ние викаме: Иби, добредојде, и... покажи им на сите што знаеш!

Афелај не е првиот играч на ПСВ кој преминал во Барселона. Нема да биде ни последниот. Но има потенцијал да биде - најдобриот. Повеќе за него ќе пишуваме веднаш по неговото доаѓање и официјална презентација, закажана за четврток. Дотогаш, еве 3 видео клипови од поздравот, од разделбата на Ибрахим Афелај со неговиот фудбалски дом досега.

п.с. На третото видео, околу третата минута ќе забележите еден млад навивач кој бара автограм од Иби, облечен во една препознатлива комбинација... :)

Најубавиот божиќ во историјата на Барселона

2010-12-19T20:57:00.007+01:00

Барселона на големо започна да се подготвува за Божиќните и Новогодишните празници. Доказ за тоа е се почестата употреба на „петардите“ како ефикасно пиротехничко средство, забележливо особено кон екипите кои го имаат ројалистичкиот благослов видлив во предзнакот „реал“ во нивните имиња: Мадрид, Сосиедад, Еспањол.

Новата година во Барселона ќе се слави насекаде: по улици, плоштади, кафичи, ресторани. Целиот град ќе го чека доаѓањето на Трите Кралеви - во Каталонија Дедо Мраз го има во излозите и на рекламите на кока кола, но тој не е главната ѕвезда на новогодишните прослави. Огнометите започнаа на 29. ноември, ноќта во која гордо кренатата отворена дланка на сите во чие срце е Барса го најави празничното расположение, времето на давање.

И ако некој помисли...
...дека трите кралеви доаѓаат само во Барселона, започнувајќи со парадата на 5. јануари низ улиците на градот, нека помисли повторно: неколку дена подоцна, на изборот за Светски фудбалер на годината, историски бидејќи е прв заеднички во кој ФИФА заедно со Франс Фудбал ќе ја обединат титулата за најдобриот играч во минатата година, трите кралеви ќе се појават и на оваа манифестација со отворените дланки, овојпат за да примат признание од оние кои се радуваа на нивните подароци во текот на сите минати 365 дена.

Се шушка дека овогодинешните огномети ќе бидат посилни во споредба со минатите години. Ќе започнат на 31 декември неколку секунди пред полноќ и ќе траат барем до 2. јануари кога на Камп Ноу ќе се појави пиротехничката експедиција за да распламти уште грст влажни соништа кои ќе ја најават фантастичната година која доаѓа.

Крајот е само еден нов почеток. Па така, крајот на прославите во јануари зачаден од петардите и огнометите е само интро кон мисијата за маглата во мај, во Лондон. Резервацијата и атмосферското прилагодување треба да се направат во февруари. До крајот на годината имаме уште едно полувреме во натпреварувањето кое го освојуваме од време на време, чисто колку да се прати една порака, со декорацијата во моментите на славење, а ни значи исто колку и на нашиот противник од Баскија.

Ла Лига за 2010. е завршена приказна, во 2011 влегуваме уште помотивирани. Знам дека на некои од вас ова им е тешко за верување, но линијата на движење на мотивацијата, желбата, пожртвуваноста, совршеноста на овој тим во догледно време нема breaking point. Каков поинаков заклучок може да се донесе за тимот кој после освојувањето на сите можни титули во една година и поставувањето на рекорд кој прашање е кога некој ќе го сруши, освои 99 бода во една сезона, а годинава игра вон сите познати граници?

Еден ден и овој циклус ќе има свој крај. Еден ден Лео Меси ќе е белобрад дедо кој ќе работи како скаут за Барса низ Аргентина. Чави ќе е некогашен трофеен тренер кој секое утро со изговор пред бабичката дека оди да купи леб, млеко и весник, ќе седнува на клупите во паркот во Тераса и ќе ги гледа малите момчиња како шутираат топка. Иниеста ќе има училишта и улици кои ќе го носат неговото име и се' уште ќе се срами од тоа, а Бускетс ќе одгледува грозје на фамилијарниот имот, ќе прави вино и ќе го продава во флаширано во тенки високи шишиња. Валдез ќе биде вонреден предавач на Факултетот за контролирање на темпераментот, Пујол ќе добие Оскар за животно дело поради инспирацијата на нов холивудски лик многу поуспешен од Тарзан, Гвардиола со бастунче ќе се појавува на секоја прослава на „Денот на Жозеп Гвардиола“ пред неговиот споменик. Пике и со патерици секое лето ќе го минува на терасата од неговата вила на Ибица од каде се гледа атмосферата по дискотеките таму, и заедно со Францеск Фабрегас ќе сучат мустаци во неверување и од нервоза затоа што на нивните внучиња ќе им е досадно да ги слушаат приказните за 2010. година од Јужна Африка кои во секое ново кажување ќе содржат некој нов лик, настан или пресврт. Ќе се напијат ракиичка соблазнати од спомените на времето кога пишувале историја.

Еден ден и планетата Земја ќе престане да постои, нашата галаксија ќе се судри со соседната и приказната за животот кој го знаеме и во кој повеќето од нас единствено веруваат, од страв за сонување на границите на познатото, на ивицата на фантазијата, ќе го снема.

Еден ден и сонцето ќе престане да свети, уморно од тагувањето по времето во кое секој зрак неизмерно чекал да се бакне со тлото на оваа топка, и ќе остави простор за некои нови Сонца во некои поинакви светови.

Но и во тој ден, велат мудрите, како астероидски појас, како дожд од метеори од време на време во ведра ноќ, топла како крвта која зоврива од нивната игра, бурна како екстатичните гејзери кои нивната аура ги предизвикува, некои нови генерации милениуми после нас ќе може да застанат на највисоката планина која тогаш ќе постои, па да се поткренат на врвовите на прстите и да ја начујат симфонијата на Универзумот:

Сетете се на онаа Барса! Барса која го промени светот.

Но, дотогаш, имаме уште многу, многу години во кои ќе добиваме уште многу подароци од нашите момци, како овие, годинешните. Да уживаме во нив и во привилегијата на паралелно егзистирање во точно овие параметри од временски аспект со момците на најдобрата фудбалска екипа во историјата на фудбалот: Futbol Club Barcelona!

Среќна нова. И не грижете се: Трите Кралеви ви подготвија уште неброено многу подароци... :)

Хо, хо, хо... хо, хо! [Еспањол 1-5 Барселона]

2010-12-19T20:29:00.003+01:00

После синоќешниот натпревар етикетиран како „најтешкото гостување во сезоната“ [eat that, Merengues], јасни се уште неколку работи:

1. Нема подобра трансфер политика од Ла Мазија--->Прв тим насоката. Продуктите на оваа философија постојано не' уверуваат во нејзината исправност. Поклонување пред Педро!!

2. Лео Меси станува се поневеројатен плејмејкер [читај: најлоша ноќна мора за било која одбрана]. Ако не издрибла половина тим и со топката влезе во голот, ќе стрела од 20 метри. Ако не стрела од 20 метри, ќе додаде за гол. Ако го држите на 40 метри од голот, ќе направи уште подобар пас, ќе ви го растури одбранбениот бедем како кула од карти и некој ќе егзекутира. Неговото разбирање со се повеќе и повеќе адаптираниот Давид Виља е феноменално.

3. Имаме 43 бода од можни 48. 51 постигнат гол. Играчите на терен гинат еден за друг, а се разбираат како да престојувале во заедничка утроба и заеднички го вдишале првиот здив после раѓањето. И небото се чини преблиску, ако зборуваме за границите на овој тим.

4. Чави ќе биде најдобриот фудбалер според ФИФА и Франс Фудбал за 2010. година.

5. 5. 5. 5. 5..........

п.с. Слика која вреди 100000 зборови:

Бланко чек за Гвардиола

2010-12-15T14:40:00.003+01:00

Главната цел за Сандро Росељ е да го обнови договорот со Пеп Гвардиола, кој истекува во јуни 2011. Преговорите меѓу клубот и тренерот се константни во минатите неколку месеци, јавува Ona FM.

Претседателот на клубот сериозно е ангажиран да обезбеди подолг престој на Гвардиола во тимот, нешто за што зборуваше уште во изборната кампања: „Го сакам во Барса за време на целиот мој мандат“.

Бордот на Барселона е свесен дека тренерот и неговата екипа се клучни за успесите на клубот. Затоа на масата Пеп од бордот доби бланко чек за обновување на договорот, во кој основните работи се веќе дефинирани, а самиот Пеп има слобода да побара колкава плата сака, како и да го одреди времетраењето на договорот.

Договорот може да биде објавен на почетокот на наредната година, пишува Marca.

Пујол: „Не очекува најтешкиот натпревар сезонава“

2010-12-15T14:09:00.001+01:00

Капитенот на Барса Карлес Пујол се согласи со Пеп Гвардиола дека саботното дерби на Корнеља Ел Прат ќе биде најтешкиот натпревар во сезоната за тимот.

„Двете екипи се во одлична форма, секоја со своите квалитети. Ќе биде тежок натпревар за двата тима и мислам дека шансите за победа се 50-50%“.

После победата над Реал Сосиедад во неделата, Гвардиола изјави дека натпреварот против тимот на Покетино “е најтешкиот натпревар на гостувањата кој ќе го имаме сезонава. Но се надеваме на добра игра и освојување на трите поени“.

За дербито зборуваше и екс-барселонистот Иван де ла Пења, играчот на Еспањол кој ќе го пропушти дербито поради повреда:

„Еспањол е во добра форма и натпреварот во сабота ќе биде многу интересен од тактички аспект. Веројатно не можеме да бидеме предизвикувачи на Барселона за титулата во Ла Лига, но можеме да ги победиме на Корнеља Ел-Прат бидејќи дома играме самоуверено и добро и имаме одлични навивачи. Барса може да биде победена во еден натпревар“, изјави тој.

ИЗВОР: FCBARCELONA.CAT

„Реал“ значи 5 [Барса 5-0 Реал Сосиедад]

2010-12-13T16:57:00.000+01:00

938 додавања, 5 гола. Кралси третман и за овие противници. Уште малку статистика: последните 606 минути тимот ги доби со резултат 28:0. Доволно е со статистика, време е за поезија. А за тоа го имаме Реј Хадсон, ко-коментаторот на синоќешните 5 гола на Камп Ноу.

п.с. Тимот изгледа подобар од сезоната на 6 купа, подобар од 99. поени од минатата година... и тоа е едноставно незамисливо. Само да не дојде до пад на формата... и ова може да биде уште една сезона за историја.

За прв пат во историјата: Барселона добива спонзор на дресовите - Qatar Foundation

2010-12-10T11:23:00.001+01:00

На прагот сме на еден голем преседан: во текот на денот раководството на Барса ќе објави дека склучило договор со Qatar фондацијата, непрофитна организација која се бави со инвестирање во едукацијата и научните истражувања, за спонзорство на дресот на фудбалската екипа во вредност од 30 милиони долари по сезона. UNICEF останува на дресовите, исто така...

„ДАЈ ДА ГО ПОДРЖАМ И ЈАС“

Каталонски Спорт на својот веб сајт sport.es уште вчера објави дека Барселона е на прагот да постигне договор со спонзор за дресовите, повикувајќи се на извештаи на радио Каталуња, но после објавувањето на истата вест на „мегафонот на Росељ“ Ел Мундо Депортиво, можеме со сигурност да заклучиме дека ова е вистина и дека за прв пат во 111. годишната историја Барса ќе носи спонзор на своите дресови.

Пеглањето на јавната перцепција и реакцијата на фановите и членовите [кои не беа прашани за оваа одлука] Ел Мундо започна да го прави презентирајќи ја зделката како рекордна и како дил не со некоја моќнаи злобна корпорација, туку напротив, со УШТЕ ЕДНА ФОНДАЦИЈА; со „малите кутри луѓе“ од Катар фондацијата кои се занимаваат со подобрување на светот, вложување во едукација, научни истражувања и унапредување на општеството. Абе речиси исто како и УНИЦЕФ, со тоа што на УНИЦЕФ му плаќавме и ќе продолжиме да му плаќаме меѓу 1.5 и 2 милиони евра годишно за да го носиме неговото лого на дресовите, а Катарците ќе спружат 30 милиончиња по сезона, според првичните информации во наредните 5 до 6 години [иако мое лично уверување е дека Катар е подготвен барем до 2022. да ни биде спонзор, година во која ќе се одржи СП во оваа мала и богата земја].

Логиката на Росељ, според Ел Мундо е следна: „Да, претседателот е многу свесен за чувствителноста на навивачите на Барса околу огласувањето на дресот на првиот тим, но не смееме да заборавиме на економската ситуација во клубот. Ако тимот сака да продолжи да се натпреварува на највисоко ниво и да ги има најдобрите фудбалери во светот, а Пеп Гвардиола да добива се што ќе посака, тогаш мораме вака“.

Поддржувачите на овој преседан спорат со критичарите дека овој дил навистина е во духот на Mes Que Un Club философијата, односно се вклопува во фер-плеј политиката на тимот и неговата поддршка на принципите на солидарноста на УНИЦЕФ, кој според извори во клубот бил консултиран за текот на преговорите и нема ништо против инкорпорирање на уште една фондација на дресот на тимот.

Критичарите ќе се јават со испитување на дискутабилната Фондација т.е. земјата од каде доаѓа, во смисол на тоа кои проекти ги поддржува [очекувајте религиозни „препукувања“], од какво општество потекнува и дали навистина е погоден спонзор за Барселона. Впрочем, и УНИЦЕФ е фондација и „Катар“ е фондација: само, разликата во располагањето со парите е очигледна. И индикативна.

Неутралните веројатно би рекле: па добро бе луѓе, лесно ви е да зборувате од страна. Ако ги сакате најдобрите играчи, тренер и засилувања, мора да попуштите пред традицијата [а таа вели дека покрај Атлетик Билбао, Барселона е единствената екипа која во историјата не носела „бои“ на спонзор] и таквите сфаќања. Сакале или не сакале, it's all about the „Benjamins“.

Значи, очекувајте во наредните неколку часа објавување на првиот спонзорски договор во ИСТОРИЈАТА на тимот за спонзорирање на дресот на фудбалската екипа. Да ве потсетиме, Пеп Гвардиола веќе беше заштитно лице на кампањата на Катар за СП 2022. Изгледа е време овие релации да се продлабочат т.е. да ни ги продлабочат - џебовите...

НЕ Е ДО ПАРИТЕ. ДОБРА ДУША ИМААТ!

Бетис 2-2 Барса Б

2010-12-09T15:55:00.000+01:00

Она што остана од втората екипа на Барселона [бидејќи добар дел од првотимците на Барса Б го победија Рубин Казан во Лигата на Шампиони] се појави во Бетил на мегдан со водечката екипа во Втората шпанска лига. После „очекуваното“ водство на домаќинот од 2-0, со головите на Нолито и Ромеу втората екипа на Барселона успеа да израмни на 2-2 и да остане на четвртата позиција на табелата. Момците на Луис Енрике имаа и шанса за конечна победа и потполн пресврт, но победата против лидерот во Секунда ја пропушти стрелецот на првиот гол за Барса Б, Нолито. Одличен резултат на младите момци!

Земја со ваква младина... [Ла Мазија 2-0 Рубин Казан]

2010-12-08T12:29:00.001+01:00

Генерално задоволство oд играта на клинците кои иако почнаа „ослабени“ со присуството на Жефрен и Бојан во тимот, набргу работите се средија: Жефрен, играчот направен од шеќер, успеа сам да се повреди, а за Бојан се погрижија други. На нивно место во тимот влетаа Марк Бартра и Виктор Васкез. Убаво беше да се видат толку младинци, оркестрирани од одличниот Тиаго кој покажува дека е повеќе Иниеста отколку Чави (me gusta!), како се справуваат солидно со тимот кој на хартија барем во првото полувреме требаше да брка резултат.

Но, веројатно на полувреме Казанци дознаа дека Копенхаген е вториот патник во осмина-финалето, и продолжија да играат во ист стил (!) :) Падна митот за Рубин Казан во натпревар кој немаше резултатско значење за нас па игравме со втор тим, а додуша немаше ниту за нив бидеќи очигледно се беа предале уште пред првиот судиски свиреж и единствено мислеа како да не примат гол.

Ама, Фонтас беше расположен. И кога Фонтас е расположен, газиме! :)

п.с. Ждрепката за 1/8 финалето во ЛШ е наредниот петок.

Барса - Рубин: Дали знаевте дека...?

2010-12-07T16:44:00.000+01:00

Барселона се среќава со Рубин Казан на Камп Ноу во последниот натпревар од Д групата вечерва од 20:45. Да, тоа го знаевте, но дали знаевте и дека...?

-Барселона влегува во мечот со обезбедено место во осмина финалето како победник на групата, но Рубин мора вечерва да биде подобар од Копенхаген за да помине во наредната рунда, бидејќи Данците ги водат за еден поен.

-Рубин Казан и Челзи се единствените тимови кои се сретнале со Барса на Гвардиола и останале непоразени.

-Рубин направи едно од најголемите изненадувања минатата година со победата против Барселона од 1-2 на Камп Ноу, пораз кој не ја спречи Барса во освојувањето на првото место во групата.

-Таа победа се' уште е единствената која Рубин ја има на гостински терен во Лигата на Шампиони.

-Ова може да биде прв пат тимот да ја заврши групната фаза без пораз под раководство на Гвардиола.

-Со шест голови, Меси е вториот најдобар стрелец во ЛШ заедно со Марио Гомез (Баерн Минхен). Еден гол повеќе од нив има Самуел Ето.

-Меси е најдобриот стрелец на Барса во ЛШ, со вкупно 31 гол во 49 натпревари.

-Пике е единствениот играч во екипата кому му прети суспензија во првиот осминафинален меч доколку заработи жолт картон вечерва, додека Пинто е повторно на располагање на Пеп после казната од два меча неиграње.

-Барса е тимот со највисок процент на посед на топката - 70%, а на второто место се баварците од Минхен со 63%.

-Руското првенство заврши на 28. ноември, а гостите од Казан финишираа на третата позиција.

ИЗВОР: FCBARCELONA.CAT

И да врне, и да вее, и бура да коси... [Осасуна 0:3 Барселона]

2010-12-06T22:31:00.001+01:00

Убиственото темпо, убиствената игра, неверојатната прецизност, целиот талент на оваа генерација фудбалери на Барселона продолжува да се демонстрира ширум терените во Шпанија. Нема запирање за оваа „казнена експедиција“! Не можеа ни возови, ни автобуси, ни патувачки перипетии, ни снегови, ни гостински терен, едноставно НИШТО во овој момент не може да ја запре оваа Барселона. И одново победа на гости за сто отстотен учинок [7 од 7], одново победа без примен гол [кога не можеше Реал...], одново Меси, но и одново Педро [продолжува дечкото „Кој беше ти?“ да стрела во 7 последователни натпревари].

Натпреварот на „Reyno de Navarra“ започна со задоцнување од 45 минути поради проблемите на Барселона со авио превозот. Започна со несекојдневни грешки во одбранбената линија и полу-притисок на фудбалерите на Осасуна. Се чувствуваа последиците од патувањето и немањето време за загревање. Се до 25тата минута и погодокот на Педро. Бускетс проигра со Меси, а овој велемајсторски го уфрли Педро во шеснаесетникот за лесна реализација. Од тука натаму немаше дилеми за новата победа. Барселона ја заигра својата игра, се редеа шансите.

До крајот на натпреварот Меси реализираше на два пати. Првиот пат на додавање на Виља, а подоцна од пенал кој самиот го изнуди. Лесна победа, запишани се планираните 3 бода, продолжи серијата победи без примен погодок. Морам да нагласам дека Виља одигра доста слаб натпревар во реализаторска смисла. Вакви натпревари веќе видовме од него на почетокот на сезоната. Сепак слабата реализација на зицер шансите ја замени со отварање на простор на соиграчите и убавата асистенција за голот на Меси.

Како мал куриозитет ќе ја нагласиме одлуката на Пеп да стартува со комплетно ист тим како и на претходниот натпревар – за прв пат сезонава.

Преглед на „Copa Catalunya“

2010-12-01T23:40:00.002+01:00

Два дена после големата победа Барселона мораше да ја испочитува должноста спрема „Copa Catalunya“. Учесници беа Барселона, Еспањол и Хоспиталет. Овие три екипи одиграа три натпревари – секој со секого по 45 минути. Купот го освои Еспањол со две победи.

Посебно интересен беше дуелот со градскиот ривал кој често знаел да и откине значајни бодови на Барселона. Мотивираниот тим на Еспањол предводен од Јоан Верду [ги постигна двата гола] победи со 2:1. Краткото резиме за натпреварот би било: Барселона одигра со комплетен втор состав [не настапи ниту еден од стартерите против Реал], Бојан беше капитен [одигра доста слабо], Тиаго ја носеше 4-ката [која чека на некого, или пак не ?], натпреварот немаше некоја голема динамика, а Еспањол го доби во речиси два напади кон голот на Барса.

Интересно голот за Барселона го постигна талентираниот дефанзивец од Б тимот Марк Бартра. Бартра беше и најдобар поединец воопшто во редовите на Барса. Одигра одличен натпревар, добро ја изнесуваше топката до средината, покажа солидна техника и може да се каже дека и по конституција и стил на игра многу потсетува на Жерард Пике.

За Барселона настапија: Пинто, Адриано Кореиа, Бартра, Фонтас, Максвел, Маскерано, Тиаго Алкантара, Кеита, Виктор Васкез, Жефрен и Бојан Кркиќ.

Образот го обелија играчите на Барса Б – против Хоспиталет кои победија со 2:0. Убав гол на Џонатан Дош Сантош. Еспањол во првиот дуел го победи Хоспиталет со 1:0.

Неспортско однесување на Барселона

2010-12-01T19:31:00.006+01:00

Автори, новинари, колумнисти од целиот свет, седнаа пред празен екран со неблагодарна задача – да напишат нешто квалитетно за играта на Барселона која цел свет ја остави без здив. Но, како да се направи тоа кога „најубавите стихови“ веќе ги напишаа Меси, Чави, Иниеста и друштвото (и, секако, Пабло Неруда) демолирајќи го Реал на ретко виден начин ? Петарди веќе сме виделе, но ваква презентација на раскошен талент на целиот тим во најголемиот клупски натпревар на светот – уште не...

Барселона уште еднаш го остави светот без здив, исто како што противничките играчи ги остава без здив трчањето по незапирливата топка на Барса 90 минути без прекин. Иако нас не’ навикна на високи победи, иако нас не’ навикна да на противникот му ја одземе топката додека трае повторената снимка од предходниот напад, иако нас не’ навикна на тотална доминација и посед на топка, иако нас не’ навикна на своите брилијантни акции и погодоци – повторно Барса нас успеа да не’ изненади.

Овој пат зачинот на Барселона беше Жозе Мурињо. Човек кој во Реал е доведен само со една задача – да се запре таа Барселона. Човек „со против-игра“, човек со рецепт. Но после таа ноќ, Special One стана Special Five, што е само една од бројните духовити замерки на сметка на изведбата на Реал на Камп Ноу.

ДАЈ ПЕТ, МАЈСТОРЕ

Сега кога го срушија и митот за Мурињо, Каталонците немаат дупка во оклопот. Денес веќе не може да постои личност која нема за оваа група играчи да признае дека е меѓу најдобрите фудбалски екипи на светот во историјата. Најдобра? Не сум доволно стар за да влегувам во такви проценки, но најдобра во модерниот фудбал, од 1990. до денес – ДА. По трофеи (сеуште) не, но по супериорност над противниците – да, затоа што никој, ни Барса на Кројф, ни Милан на Капело, ни Ајакс на Ван Гал, ни Манчестер на Фергусон, ни Франција на Зидан ни актуелната Шпанија – баш никој не отскокнувал толку од конкуренцијата како денешната Барселона.

Игра ли Барселона совршено ? Тоа е сепак субјективна категорија. Некој сака директен фудбал, некој сака динамични фудбал, некој едноставно сака интересни натпревари. Затоа што ако не уживате да гледате „Викторија“ пред голот на противникот – без разлика како се викал противникот или како играл – тогаш натпреварите на Барселона и не се за вас.

Но, што се однесува до техниката, што се однесува до поседот и контролата на топка, Барселона е беспрекорна. Перфектна. Подобра од било која екипа, било кога.

Реал не е просечен противник. Реал со Мурињо немаше изгубено натпревар, Реал запиша некои многу уверливи победи, и изигра некои многу забележителни натпревари. Реал е, според до сега прикажаното оваа сезона, можеби и втора најдобра екипа во Европа, секако во Топ 5.

Земајќи го тоа во предвид, она што Барселона го правеше после 4:0 – кога веќе и немаше посебна воља да постигнува голови – се граничи со неверојатност. Имаше периоди од играта кога домаќините имаа повеќе додавања со пета или помеѓу нозе, него што гостите имаа воопшто точни додавања. Имаше периоди од играта од неколку минути кога Мадридистите не можеа да ја допрат топката. Го исмејуваше тогаш Барселона противникот до степен кој за Кралскиот клуб беше неприфатлив, па кога веќе немаше други методи за запирање на „јас тебе, ти мене“ игра на Барса – гостите се решија на (пре)остри стартови и валкани потези. А со тоа својот тежок пораз додатно го извалкаа.

„ИГРАЧ ЗА КОЈ СЕ ПЛАТЕНИ МНОГУ ПАРИ
И НЕ ПОСТИГНУВА ГОЛОВИ“.... ТУКУ ГОЛИШТА

Од тука и насловот кој, јасно, треба да се свати како иронија – затоа што, тоа што Барселона им го прави на противниците се граничи со „неспортско однесување“ – па не би смееле да бидат толку подобри од секој.

Само некој кој не го разбира фудбалот не останал импресиониран од играта на Барселона, затоа што тоа што Барселона го прави, никој друг неможе. Реал во првиот дел се обиде да го смали просторот за игра, но и во тие 30-тина метри Барселона си додаваше како да има два играчи вишок држејќи ја топката со минути. Тоа никој не го може.

ПОСТЕРОТ НА КАМПАЊАТА:
„СЕКОЈ ТРЕБА ДА ИМА ТРЕТО ДЕТЕ“

Барселона од континуирани напади, на поставената Мурињова одбрана, со повеќе од 20 додавања во низа, и' го постигна вториот гол. Тоа никој не го може, не на таков начин. Околу и наоколу, се додека не се создаде некој мини простор во кој Чави, Меси или Иниеста ќе додадат некоја фантастична топка за Виља, Педро или некој трет.

Најдобрите нешта изгледаат наједноставно. Тенисот на Федерер или кошарката на Џордан, се е како од прирачниците. Слично е и со фудбалот на Барселона, понекогаш се чини толку едноставен до степен за да се запрашате - а зошто сите не играат вака ? Па сите се професионални фудбалери, сите знаат да додаваат од нога до нога, само секогаш мора некој да биде сам.

Но сепак, само една е Барселона. Таков фудбал е можен само ако секое додавање е совршено, ако секое примање на топката е совршено, ако прегледот на игра е совршен, ако движењето е совршено, ако реализацијата е совршена. Ништо не може да биде многу добро, се мора да биде СОВРШЕНО. Невозможно е, всушност, да се опише тоа што го прават во средината на теренот Чави и Иниеста, но и сите останати. И Пике и Пујол и Валдес.

WHO'S YOUR DADDY?

Tики-така, тики-така

Меси на овој натпревар потврди дека е најдобар играч на светот – Меси тоа го потврдува на секој натпревар. Ќе биде неправедно доколку не ја добие Златната Топка, затоа што во 2010. ниту еден играч не може да се најде во иста реченица со Меси, по впечатокот, учинокот, класата, но таа тема веќе ја имаме објавено. Аргентинецот е генијалец кој може да игра што сака – може да биде недостижен стрелец, може да биде незапирливо крило, може да биде врвен плејмејкер - затоа што може и знае се.

Но, на чест на Жосеп Гвардиола, помеѓу останатото, оди и тоа што на Меси му овозможи во Барселона да биде навистина СЕ. Сите негови таленти, квалитети доаѓаат до израз, ниту еден дел од генијалноста на Меси не страда, како што страдаше во дресот на Аргентина.

И без следното, иако тој би бил ист играч, неговиот учинок и неговиот впечаток не би биле исти без Чави и Иниеста, уште двајца генијалци кај кои „бубамарата“ е посигурна отколку во швајцарска банка. Згора на тоа, кога некој од нив погрешно ќе ја додаде топката, на CNN веднаш има breaking news.

За да Реал на Мурињо би се растурил на составни делчиња и тоа на ваков начин, се мора да функционира совршено. И за тоа ми е жал што овој текст мора да заврши, исто како што ми беше жал што утакмицата мораше да заврши, затоа што во стројот на Барселона уште многу фактори заслужуваат пофалби. Што да се каже за стоперскиот пар кој совршено се вклопува во овој технички дотеран фудбал, а истовремено успева да стигне да ги затвори сите опасности пред својот гол, иако најчесто остануваат „1 на 1“ со противничките напаѓачи ? Што да се каже за пресингот на Барселона ? Што да се каже за Бускетс кој, иако тактички покрива двајца противници, не изгуби ниту една топка во првиот дел ? Што да се каже за 610 точни додавања, што да се каже за 114 од Чави ? Што да се каже за феноменалната атмосфера внатре во екипата ? Што да се каже за фактот дека многу од тие играчи пораснаа во школата на Барса ? Што да се каже за Шпанците во Барселона кои веќе три-четири години доминираат на клупско и репрезентативно ниво ?

TIKI-TAKA, WAKA WAKA!

Што потоа да се каже за тој сјаен Гвардиола ? Скромен дури и по вакви победи. Не, ни вашата баба не би можела да ја тренира оваа Барселона, никако. Гвардиола е најзаслужен што Барселона игра баш вака добро. Што игра така напаѓачки, што игра така храбро, што игра со таква страст после тоа што освоија се. Околу врската на Гвардиола и тимот доволно говори како цела екипа скокна во негова заштита кога пргавиот Кристиано Роналдо го турна. Да, Гвардиола дефинитивно заслужува своја колумна.

Мурињо, Роналдо и Реал ? Овој пат останаа во дебела сенка. Добри се и ќе се вратат, нема сомнеж, но Барселона повторно беше од некој друг свет за Реал. Без разлика на тоа; првенството е многу далеку од готово и Барселона со овој настап не освоила нова титула.

Но го освои светот.

Автор: Томислав Пачак Извор: hrsport.net

Подготви: Горјан Камчев

Футболитис: Стрип на денот [01.12.2010]

2010-12-01T18:58:00.000+01:00

Новата официјална фотографија на „11-мината на среќата“ после натпреварот на Камп Ноу

Црвената стрелка: Ова е Му

ИЗВОР: SPORT.ES

Учиме шпански: Sal del Banquillo

2010-12-01T12:25:00.001+01:00

Во денешната лекција ќе го научиме терминот „Sal del Banquillo“ или во превод: „Излези од клупата [за резерви]" кој се користи во ситуации кога:

1. Сакате да подучите некого | да го видите радосен | да трчкара по терен како што трчкарал неколку месеци порано, да ги пушти нозете, да ги крене рацете и да го има триумфалниот став

2. Се грижите за некој, дали е добар, бидејќи се однесува како глувци во рудник пред да насетат земјотрес, со тоа што земјотресот веќе е случен, а глувците затекнати

Еве еден пример од некој стадион во Европа, каде јасно може да се чуе овој пријателски поздрав, повик, показ на грижа:

Грандиозната победа од друг агол [Барселона 5:0 Реал Мадрид]

2010-12-01T01:25:00.009+01:00

29 Ноември, 2010 година. Прекрасна роденденска забава на „Камп Ноу“. Петарда! Голема победа! Вечниот ривал комплетно уништен, понижен, растурен. Милионите навивачи на Барселона низ целиот свет се израдуваа на победата. Тиражните печатени медиуми ги пласираа своите бомбастични наслови. Насекаде фалење за гламурозната претстава на „Лос Кулес“. Нема човек на планетата што остана рамнодушен на претставата на момците на Пеп...

Петарда! Најфраер во радувањето!

Победата на Барселона е чиста како солза. Извонредна партија на целата екипа. Морам да го издигнам Чави над сите за стабилноста на средината на теренот, за прикажаната креативност, за смиреноста при постигнувањето на водечкиот гол. Меси е извонреден и беше рамо до рамо со него, но диригентот на целата игра беше Чави. Тој го диктираше темпото на игра, тој одлучуваше кога да се нападне, а кога да се врати топката до дефанзивната линија. El Matador – секоја чест! Давид Виља реагираше извонредно докажувајќи дека полека се пронаоѓа себе си во шампионскиот тим. Одбраната на висина на задачата! Бускетс одличен! Пеп наплати некои долгови со камата!

Претходниот параграф повеќето од вас го знаат или пак можеа да го заклучат гледајќи ја средбата. Она што сакам да го пренесам до Вас е моето гледање на другата страна на медалот. Предната страна би била: Одлична партија, висока победа, деморализирање и понижување на противникот. Изгледот на задната страна ќе го образложам во продолжение:

Овој натпревар е само еден од 38 во првенството и само прв од можни [замислете] 5 оваа сезона помеѓу Барса и Реал. Победата нема да биде значајна доколку не се продолжи со ист стил, со исто темпо, со иста одлична игра и на следните натпревари. Што ако Реал слави против Валенсија, а Барселона [не дај Боже] изигра нерешено против Осасуна во следното коло од Ла Лига? Во таков случај уште веднаш првенството продолжува од мртва точка. Поголем ефект на големата победа над Реал би почувствувале кога би се случило обратната ситуација – Реал да почне да губи бодови во следниве натпревари, а Барса да продолжи да меле се пред себе. Оваа ситуација е доста пологична, но сепак е само една од двете можни.

Зошто 5 можни натпревари? За оние кои не ме сфатија еве мало објаснување: Во април Барса треба да гостува во Мадрид на редовна пресметка во првенството. Неодамнешната ждрепка за „Кралскиот Куп“ ги насочи двата ривали од две различни страни, па така единствена можност за пресметка е само во финале. Тоа би било финале што се игра во мај 2011. Останатите два натпревари – Лига на Шампиони. Двете екипи се во нокаут фазата. Во 1/8 финале не може да се сретнат [правило за две екипи од една земја], па така со евентуално поминување на двете екипи во следна фаза [тука Реал е сомнителен нели?] се појавува можност за голема нокаут пресметка. Значи имаме уште 4 потенцијални пресметки помеѓу двата Шпански гиганти. Скромно како секој член на Барселона – Би ги трампал овие 5:0 за 5 победи од по 1:0 во 5 мечеви со Реал Мадрид [под претпоставка да се случат].

Мало потсетување: Мурињо загуби и беше демолиран на првите два дуела со Интер во фазата по групи лани. Но доволни му беа само 5 месеци за триумфално, арогантно да продефилира и да се истрча во свој стил пред полниот „Камп Ноу“. Искрено не би посакале вакво сценарио иако оваа победа изгледа голема во моментот.

Заклучокот за крај би бил во стил на веќе „ГОЛЕМИОТ“ ПЕП: Ја прославивме убедливата победа со стил. Ги живееме најдобрите години од постоењето на клубот. Напорната работа и добра системска поставеност 20тина години наназад полека ги дава своите плодови – не случајна е бројката од 7.100.000 приврзаници на социјалната мрежа Фејсбук. Популарноста на клубот во цел свет е огромна, а е плод на прекрасниот незаменлив стил на игра, држењето до својата идеологија, играњето до крај, без симулации, без „нечисти“ потези, без директиви за намерни картони, на кој стадион и да се појават играчите им се аплаудира [за разлика од едни други играчи]. Во моментот се е на наша страна. И да признаам – Среќен и горд сум што сум навивач на Барселона. Сепак нема да се залетуваме. Најмалку 5 месеци ќе можеме да им се сладиме на грандиозните 5:0 и на кафе, пиво - муабетите да им се смееме во фаца на навивачите од другиот тим. Но патот не завршува тука, остануваме фокусирани до крај и во мај јуни славиме нов TRIPPLET титули!

Извор: mite-sport.blogspot.com

Големите постигнувања на играчите на Реал против Барса на Камп Ноу

2010-11-30T16:34:00.001+01:00

Лос Бланкос беа апсолутно брилијантни против Барселона. Се е прашање на перспектива, вели Мајкл Јокин од goal.com.

EX, ДА МИ Е САРА ТУКА...

И вие мислите дека Реал Мадрид беше збришан од големата Барселона синоќа? Подобро да го преиспитате овој ваш став. Сите стартери на Жозе Мурињо оставија свој печат на натпреварот, и нивниот придонес не смее да се потценува. Само прочитајте што направија... Беа едноставно сензационални!

Икер Касиљас - Беше исклучително фотогеничен со рацете прекрстени на неговите гради, гледајќи ги своите соиграчи со восхит. Нема сомнение дека Сара Карбонеро побарала од него да позира за фотографите токму на овој начин, пред да замине дома и да навива за Барселона со нејзината фамилија полна со фанатици на Атлетико Мадрид.

Серхио Рамос - Тој е првиот играч во историјата кој успеа да биде исклучен во судиското продолжение двапати во иста недела. Јержи Дудек немаше потреба да му дава инструкции овој пат. Храбриот десен бек самиот знаеше што треба да направи за да влезе во аналите.

Рикардо Карваљо - Успеа да изнуди жолт картон од Меси на апсолутно брилијантен начин. Неговото лакто беше толку чисто, совршено прецизно подигнато што не предизвика неволја за него самиот, а сепак успеа да го натера Аргентинецот да падне на земја. Мора да се забележи дека висината на Рикардо е перфектна за една ваква мајсторија.

Пепе - Далеку најдобриот Португалец на натпреварот, дури ако ја земеме во предвид и клупата. Минатата година негова беше грешката после која Златан Ибрахимович го постигна победоносниот гол за Барса, но тој ја научи својата лекција. Швеѓанецот едноставно не се виде на целиот синоќешен меч.

Марсело - Единствениот играч на Реал кој имаше асистенција за гол на натпреварот, одлично местејќи ја топката на ногата на Чави. Беше блиску и до постигнување на гол, но Педро го претрка и ги превзеде ловориките за 2-0.

ПОПУСТО СЕ РАДУВАТЕ-ТЕ-ТЕ-ТЕ-ТЕ...

Сами Кедира - Издејствува фантастично мултиколоритно средување на дресот во второто полувреме. Половина од задната страна на дресот беше обоена во силна жолта. Сигурно дизајнерите на Адидас го забележаа ова и Кедира е на пат да добие голем бонус од нив.

Чаби Алонсо - Далеку најдобрата 14-ка на теренот, потполно надигрувајќи го поранешниот соиграч од Ливерпул Хавиер Маскерано. А плус и сите ние знаеме што значи да носиш таков магичен број на грбот на Камп Ноу.

Месут Озил - Дојде за да научи нешто од Чави и Иниеста, и беше толку студиозен, упорен и вреден што Мурињо беше импресиониран и му дозволи да има подобар преглед на играта во второто полувреме. Го стави на клупата, позајмувајќи му ги нему омилениот нотес и неколку пенкала.

Анхел Ди Мариа - Колку фино момче! Неговата екс-екипа Бенфика беше прегазена од Порто во португалското Класико, и емпатичен каков што е, Ди Мариа едноставно имаше потреба дека мора да го направи истото, за неговите стари соиграчи да не страдаат сами.

Кристијано Роналдо - Туркајќи го Пеп Гвардиола покажа дека е вистински гениј! Потегот на ЦР7 потполно го промени текот на натпреварот во период од неколку минути. Со сите тупаници кои летаа наоколу, Барселона не можеше да направи ниту едно додавање некое време. Исто така експертски избегна еден опасен старт на залетаниот Виктор Валдес.

Карим Бензема - Тој одигра толку добар натпревар што Мурињо му дозволи да ги изигра целите 90 минути за прв пат во Ла Лига сезонава. Дури успеа да биде во кадарот на режисерот барем по еднаш во секое полувреме. Нема сомнение дека репрезентацијата на Франција имаше потреба од него во Јужна Африка, откако му покажа на целиот свет како треба да се игра кога е најважно.

ИЗВОР: GOAL.COM

Најдобрата екипа во светот 5-0 Реал Мадрид

2010-11-30T03:02:00.001+01:00

No comment.

Фан против фан: Барса - Реал Мадрид

2010-11-29T03:55:00.001+01:00

Фанот на Барселона, Боби Илиевски против фанот на Реал Мадрид, Зоран Анѓеловски како загревање за Ел Класико.

Пред нас е новата епизода од Ел Класико, дуелот помеѓу Барселона и Реал Мадрид, натпреварот кој според многумина е најголемото фудбалско дерби, спектакл кој буди планератен интерес.
Сите параметри покажуваат дека ова ќе биде еден од најголемите дуели помеѓу Барселона и Реал Мадрид, еден од најголемите во историјата на Ел Класико натпреварите.

CAPTION NOT NEEDED

Веројатно нема да погрешиме ако кажеме дека Барселона и Реал Мадрид во моментов се двата најсилни тима во светот, екипи кои во своите редови ги имаат најголемите играчи предводени од маестралните Пеп Гвардиола и Жозе Мурињо.

Двете екипи во овој дуел влегуваат во одлична форма, по неубедливиот почеток, ако така може да се каже, Барса и Реал го фатија вистинскиот ритам и почнаа да ги мелат своите противници.

Каталонците ги добија последните четири Ел Класико натпревари, и не се ништо послаби од периодот во кој му нанесоа тежок удар на Реал Мадрид совладувајќи го со 6:2 на негов терен, но Кралскиот клуб оваа сезона не е истиот, на клупата го има Жозе Мурињо кој уште на стартот покажа дека може да биде клучната фигура за ренесанса во Мадрид.

Кој ќе биде помудар, Пеп Гвардиола или Жозе Мурињо? Која ѕвезда посилно ќе блеска, Меси или Роналдо? Кој ќе победи, Барселона или Реал Мадрид? Одговорите ќе ги добиеме во понеделник нешто пред 23 часот, а пред тоа се загреваме со рубриката fan vs fan во која овој пат ги имаме Боби (Барселона) и Зоран (Реал Мадрид).

Како сте задоволни од текот на оваа сезона, од резултатите и играта на вашиот тим?

Боби: Па добро, за почетокот на сезоната, кој и тоа како е важен за петтиот чин во мај (доказ за тоа е моменталната состојба на табелата) можеме да поставиме две теории, откако ќе усвоиме дека беше неубедлив, на моменти можеби и оценет како слаб, иако станува збор за 1+2 реми натпревари (примера и ЛШ) и еден единствен пораз, но тоа е нормално во референтниот систем на тимот на шест купови, кој сериозно атакува на фото финиш на Вембли и трета примера по ред. Првата е дека слабиот старт се должи на моментална неинспирација. Видете, под слаб старт подразбирам реми и пораз на домашен терен од екипи кои својата среќа ќе ја бараат од 8-13 место на крајот на сезоната, бидејќи останатите натпревари тимот ги одигра одлично. Се случуваа апсурди како пораз дома од Херкулес, па победа на гости против Атлетико Мадрид, па нерешено дома со Мајорка, па победа на гости над Атлетик Билбао – нешто што во инверзна форма пред почетокот на сезоната на гладно срце би го прифатиле како реално дури и навивачите на Барса.

Вториот начин на гледање на работите е дека Пеп Гвардиола е добар со бројките и знае две работи: минатата година ја освои примера поради подобриот директен скор со Мадрид на Пелегрини (доколку ремизираше на двата натпревари, веројатно трофејот ќе завршеше кај Галактикоси, но не се коцкаше со ремија туку извојува победи :), како што знае и дека во сезона после едно Светско првенство, особено турнир кој за 80% од првиот тим на Барселона беше долго психо-физичко исцрпување, кога не може да се одржат нормални подготвителни натпревари, формата треба да се темпира. Па, има и такви кои веруваат дека мечот со Херкулес на Камп Ноу беше еден од подготвителните, а врвот на формата во оваа полусезона треба да се постигне во понеделник. Досегашниот тек и развој на играта и резултатите нудат доволно аргументи за да се верува и во еден ваков поголем план на Пеп, кој секако не подразбира губење бодови на домашен терен од екипи како Херкулес и Мајорка, но веројатно ризикот е пресметан и поважно - неизбежен.

Зоран: Како навивач на Реал Мадрид мора да бидам задоволен од резултатите и играта во досегашниот дел од оваа сезона. Задоволен сум бидејќи секој вљубеник во фудбалот би сакал да биде на наше место (да биде MADRIDISTA), бидејќи во досегашниот дел од оваа сезона Реал Мадрид е најдобар тим во Европа (во најдобрите 5 Лиги) статистички има 15 победи, 4 нерешени и ниту еден пораз во сите натпреварувањa во кој учествува, па заедно со Манчестер Јунајтед се единствените клубови кои не се поразени во цела Европа досега, а и по самата игра што ја прикажува на теренот. Во почетните неколку натпревари Реал Мадрид не одушевуваше, победуваше по 1-0 и изигра два натпревари нерешено без голови (0-0 со Мајорка и Леванте) и си помислив и оваа ли година ќе се „нервираме“, но натпреварот со Ајакс на домашен терен во Лигата на Шампионите мислам дека беше една голема пресвртница (најдобриот натпревар што го одиграл Реал Мадрид откако навивам за него, а тоа е од 1997 година) натпреварот заврши со 2-0, но можеше да заврши со 10-0 за Реал. Реал во сите досегашни натпревари од оваа сезона доминира во секој поглед на теренот во офанзивата ги контролира и го менува темпото како ќе му одговара и во дефанзивата се брани колективно и без некоја грешка, со други зборови ова е Реал Мадрид што од секогаш сум го замислувал и посакувал да биде, да изгледа НЕПОБЕДЛИВ. Но, не треба да се залетуваме и залажуваме сеуште е рано, Реал нема ништо освоено, играше со релативно слаби противници со исклучок на Милан кој го надигра и Атлетико кој му е редовен „муштерија“, уште не изиграл ниту едно дерби во Ла Лига како на пример со Севиља, Виљареал, Валенсија, а најголем тест досега ќе му биде „Ел Класико“ во понеделник. Но, се на се досега треба да бидеме задоволни, овој Реал Мадрид ветува и може да биде најдобрата екипа во Европа во наредните неколку години.

Како ја оценувате играта на вашиот противник во досегашниот дел од сезоната?

Боби: И Реал Мадрид се соочи со слични „проблеми“ како Барселона, со таа разлика што бунарите во кои потонаа 4 бода планирани на контото на „кралевите“ беа кога белите одеа по гости и не беа пречекани со слатко и сокче, туку со сериозно поставена игра во комбо-план на тренерите на Мајорка и Леванте со „Талија“, план кој можеби наликува како да го препишале од украдената тетратка за домашна работа на Жозе од минатата година. Сепак, после и тие започнаа да мелат со ред, и резултатите велат дека секој фан на Реал Мадрид би требало да е задоволен – непобедени се (податок кој звучи сјајно, но ќе вреди ако остане ист и после понеделник), а сепак станува збор за „тим во изградба“ кој е горд сосптвеник на еден вербален стрес релаксант а ла Мурињо („очекуваме резултати од догодина“), искажан во моментите кога уште не беше исушено мастилото од договорот кој на Специјалниот му овозможува да кидне во Манчестер во истиот момент кога на Сер Алекс ќе му дијагностицираат проблеми со левата срцева преткомора.

Но, јас не сум навивач на Реал, ниту објективен набљудувач на фудбалот (ова второто не го мислам, ама за некого ќе биде полесно да го сфати ова што сакам да го кажам под овие предуслови) па мене играта на тимот од Мадрид – не ми се допаѓа - и сметам дека Гвардиола има простор за користење на грешките на Лос Бланкос, што поради невоиграноста на дечките од главниот град, што поради „галамата во понеделник“ (читај: искуство).

Зоран: Како и во претходните 2 сезони така и оваа Барселона е една од најдобрите, ако не и најдобра екипа во Европа. На почетокот на оваа сезона Барселона не стартуваше најдобро загуби од Херкулес и изигра нерешено со Мајорка на домашен терен и тоа се нејзините единствени киксови. Според мене таквиот старт се должи на тоа дека поголемиот број од играчи беа дел од шпанската репрезентација која го освои Светското Првенство во Јужна Африка и кои го носеа најголемиот товар, како и купувањето на Виља од Валенсија и неговото интегрирање во системот на игра кој го практикува Пеп Гвардиола, но во продолжението Барселона се покажа во исто светло како и претходните две сезони. Меси се разигра почна да погодува и постигна многу голови. Барселона во досегашниот дел од сезоната ја покажа сета своја силина со тоа што ги победи сите „фаворити“ за титулата како Севиља, Валенсија, Виљареал и Атлетико Мадрид. Си ја играат својата игра која се состои од голем посед на топка и голем број на додавања. Исто така стануваат се поефикасни од натпревар во натправат како што беше и случајот со претходниот натпревар со Алмерија кога победија со 8-0. И оваа сезона Барселона изгледа дека е непобедлива и ако може некој да и се спротистави тоа е само Реал Мадрид.

Како сте задоволни од активностите на трансфер пазарот на вашиот клуб, од новите засилувања, и на кои позиции сметате дека треба да се засилите во иднина?

Боби: На почетокот на годината бев малку уплашен дека тимот е краток и дека ќе биде реално тешко за младите момци од кантерата да влетаат како солидни замени кога ќе биде потребно меѓу првата екипа, а сето тоа во паузата од играњето (и тоа сосема солидно) во втората шпанска лига со Барселона Б. Замина Анри, замина Ибра – дојде Виља, уште чекаме на Бојан. Патот под нозе, секој на своја страна, си го фатија и Рафа Маркез и Дмитро Чигрински (ех, море Чигро...), а како опција плус во делот од одбраната која во Барселона сериозно треба да напаѓа дојде (и тоа не за преголема сума на пари) Адријано Кореиа, корисен играч чие време допрва ќе дојде, особено ако не-дај-Боже Даниел Алвеш посака да јава камили во градот на браќата Галагер од јуни. Last but not the least, дојде the beast, el Jeffe Хавиер мадафака Маскерано (Monsterano! Морав и овој од грстот надимаци да го спомнам), човекот кој ме изненади многу, но ако ви кажам дека неговата техника на пример ги изненадила сите до еден негови нови соиграчи кои „ги знаеле (само) неговите питбул квалитети“, тогаш и мене ми е оправдано, така? Маске е секогаш онаму каде што е топката, или барем е на половина чекор од тоа место. Деструктивец од учебник кој се вклопи феноменално во тимот, а очекувам уште поголем напредок од него. Пеп ќе порасне коса од ќеиф кога ќе може да го корсити него наместо Бускетс секогаш кога е потребно профилирање на средината на теренот во капитенско-аргентински фазон.

Во јануари доаѓа и Афелај, млад искусен играч кој примарно ќе треба да си го бара своето место како замена на Педро, но неговата версатилност и амбидекстерност (може да игра на сите напаѓачки позиции од средината) би требало да му овозможи порано упатување до соблекувалната, туш и релаксирано пиење на сокче на Иниеста (кој додека сме тука, со Афелај во екипа комотно може да добие поголема слобода во играта и наместо да ровари по лево „под присила“ да игра поцентрално), нешто што ќе е од особено значење во втората половина на сезоната, кога распоредот на натпреварите ќе е многу густ и (се надевам) ќе се игра на три фронта во мај. Кој сака да види мала компилација за „Иби“ Афелај од која ќе добие сенс за неговите квалитети и можеби визија зошто токму тој е материјал за екипа како Барса, може да го погледне ова клипче. http://www.youtube.com/watch?v=W9P2BmsIRDM

Зоран: Откако е претседател Флорентино Перез за првпат сум задоволен од активностите на трансфер пазарот, некои нема да се сложат со ова, но на мене никогаш ми се допаѓаше политиката купување на ѕвезди или ГАЛАКТИКОС. Во овој трансфер пазар Реал пазаруваше многу ПАМЕТНО купи квалитетни, млади и играчи кои можат да се прилагодат на екипата, а не да бидат само индивидуалци. Исто така ми се допаѓа што за првпат во Реал Мадрид главниот збор на трансфер пазарот го имаше тренерот, а не претседателот. Мурињо уште еднаш ја покажа својата големина со тоа што пазаруваше само тоа што му беше потребно, прво го купи Анхел Ди Марија кој е млад играч, кој со својата снаодливост, пробивност и брзина може да игра и на левата и десната крилна позиција и е играч кој му е потребен Реал Мадрид бидејќи долго време немало таков играч. Потоа Му го купи Кедира кој имаше одлично Светско Првенство во дресот на Германија, а од друга страна беше релативно „евтин“ за тие квалитети што ги има борбен, цврст во дуел и може да извршува секакви задачи на тренерот во дефанзивата, а во исто време се префрла во офанзивата и може да биде одличен партнер на Чави Алонсо. Откако се дозна дека Кака ќе оди на операција на коленото и дека ќе одмара до јануари 2011, Му реагираше брзо и го донесе по мене најдоброто засилување најдобриот играч на Светското Првенство во дресот на Германската репрезентација Месут Озил кој е иднината на Реал и наследникот на Зидан, Озил е страшен играч кој може да се снајде на сите позиции на средина на теренот, солиден креативец и играч кој би го посакала секоја екипа. Мурињо уште еднаш докажа дека кога е во прашање купување на играчи сака да ги плати по своите реални цени, таков е и случајот со Мајкон од Интер кој не го донесе бидејќи не сакаше да плати 2 милиони евра повеќе, па поради тоа го купи Карваљо од Челзи, според многумина тоа беше лош потег, но Карваљо претставува „мозокот“ на Мурињо на самиот терен, а од друга страна на оваа екипа и требаше некој искусен бидејќи по заминувањето на Раул и Гути (по мене оправдано) Касиљас беше најстар и најискусен ако се изземе Дудек кој не игра. Педро Леон и Каналес беа земени да бидат солидни замени бидејќи се талентирани млади играчи кои неможат да направат раздор во соблекувалната, а од друга страна се Шпанци. Според мене оваа екипа во иднина не треба воопшто да се засилува на ниедна позиција бидејќи екипата е оформена на сите позиции, а друга страна во јануари се враќаат двајца одлични играчи Кака и Гаго, таков играч каков што е Кака со такви квалитети кои ги поседува тешко може да се најде на трансферот пазарот моментално, а од друга страна Гаго би бил добредојден на средината на теренот бидејќи одлично се снаоѓа со топка, добро разигрува, а не е само деструктивец.

За голем број на фудбалски познавачи, Ел Класико е најголемото дерби во Европа, огромен број на фанови ќе го следат овој спектакуларен дуел, каков натпревар очекувате на Камп Ноу?

Боби: Гледан?:) За „кладилничарите“ може да биде досаден дуел, за експертите коментатори „натпревар кој поминал во тактичко надмудрување без тресење на мрежите на обете страни“, а за мене дури и во најлошото сценарио (0-0) знам дека ќе биде 14 букви подалеку од буквата на која почнува зборот досада. Ел Класико, „особено годинава“ може да биде единствено одлично мегданиште на техничко-тактично-виртуозно надмудрување на тренерите, поле за некултурен натпревар меѓу Бускетс и Роналдо (само да не се вмеша Пепе, бидејќи ќе има крв), меч на кој и Меси и Роналдо ќе сакаат да не’ потсетат дека иако Снајдер и Чавиниеста се конкуренти за Златната топка, токму тие се играчите кои повторно во наредната, не-светско-првенствена сезона, ќе бидат на врвот на јазикот на сите фудбалски познаници и дус-дибидуси.

Класико ретко кога поминало без неколку моменти на инспирација од било која екипа, а имајќи го предвид историскиот момент, односно во какви предуслови, со каква позадина се гради атмосферата на дербито во пресрет на 29.11, очекувам експлозија на Камп Ноу, неколку голови, точка на вриење покрај аут-линијата, провокации кон публиката на Камп Ноу, очекувам меч кој ќе се анализира недели откако ќе заврши, а ќе се спомнува со години. Сепак, се надевам дека чичкото кој ги регулира прскалките на тревата нема да заспие повторно на работа и по грешка да ги активира, туку единственото нешто што „ќе прска“ на Камп Ноу ќе е возбудата и воодушевеноста од фудбалската поезија. Океј, нема да се лутам и ако „прсне некој пршлен“ од играчите кои ќе ја бранат левата страна во тимот на Реал. Да повторам, само Пепе да не се изнервира... :)

Зоран: Ел Класико не е само фудбалски натпревар, тоа е борба меѓу две култури, два јазика, два народа, тоа е економија, бизнис, пари, тоа е политика. За Ел Касико сите зборуваат од Лос Анѓелес до Токио. Во Шпанија тоа е празник, Ел Класико ја дели Шпанија на два дела. Огромен број од подржавачите на Кралот во голема мера го подржуваат Реал Мадрид, а огромен број на „противниците“ во голема мера ја подржуваат Барселона, Премирот на Шпанија Запатеро е подржавач на Барселона, а опозицискиот лидер Азнар е socio на Реал Мадрид. Самиот натпревар ќе се гледа секаде, па дури и во киносалите. Секоја година велиме дека Ел Класико е спектакл, но оваа година тоа ќе биде навистина спектакл само ако се видат сите играчи на двете екипи и ако се погледне формите на самите екипи и нивните најдобри играчи ќе биде АУУУУУУУУ. Меси и Роналдо се задолжени со нивните досегашни игри да ни прикажат одлична игра или еден невиден спектакл за кој уште многу години ќе се памти и зборува. Но, исто така мислам дека на самиот терен ќе има многу жар, борба и искри, ќе има борба за секоја педа од теренот и за секоја топка бидејќи Ел Класико во последните сезони се претвори во финале во Ла Лига, Ла Лига се претвори во трка на два „коња“ и кој победи ќе победи во Ел Класико тој на крајот е Шампион на Шпанија. Оваа сезона Реал Мадрид е желен за одмазда за сите 4 претходни Ел Класика кој ги изгуби убедливо, а од друга страна Барселона ќе сака да покаже дека уште суверено владее со Шпанскиот фудбал и дека се уште не е завршена ерата на Пеп и неговите „Гладијатори“. Сето ова укажува дека треба да имаме ништо друго туку еден спектакл кој долго ќе се памети. Единствено нешто што ме загрижува да не биде уништен спектаклот е Судијата на овој натпревар, мислам дека шпанска фудбалска федерација арбитражата му ја додели на најслабиот делител на правдата во Шпанија.

Кои се слабите, а кои силните страни на вашиот тим?

Боби: За да не станам досаден и „нечитлив“, ќе се обидам овој и наредните неколку одговори да ги рационализирам. Па вака: кога ќе се спомне, замисли слабата страна на Барселона, веројатно веднаш пред очи ќе ви се појави слика во која средината ја губи топката на половината на противникот, се случува некоја молњевита контра и Валдез одеднаш е во длабока неволја – неретко единствената интервенција која имал прилика да ја направи била токму во една ваква ситуација, и ужасно брзиот противнапад на Реал тоа ќе знае да го искористи. Значи, ако блауграна експедицијата е раштимана по некој основ, од некоја причина и не успее да ја движи топката доволно брзо, односно неконцентрирано создаде прилики за Жозе да го употреби единствениот против-отров кога е во прашање Барса, ќе има контра и ќе има гол. Така Му го постави Интер минатата година, така ќе го постави и Реал оваа, иако станува збор за два сосема различни тима – според мене, Реал е совршениот тим за ваквата игра, Му совршениот тактичар. Ако сега и вака не победат, незнам како и кога. Ете, низ одговорот можеби провејува уште една потенцијално слаба страна, на психолошко поле, а тоа е желбата да му се затвори устата на тренерот на Реал, „преведувачот“ од Барселона, човекот кој парадирајќи на Камп Ноу после полуфиналниот меч во ЛШ минатата година им танцуваше по нервите на сите „Кулес“ (навивачите на Барса), меѓутоа секој знае дека едно такво сценарио не може да смислат ниту Спилберг, Земекис и Лукас – заедно (мислам конкретно на „затворањето на устата“ како пост ефект).

За силната страна на Барселона нема да пишувам епопеи, туку само ќе нагласам дека во максимална форма Барса има посед, ја движи топката брзо, која според правилата на физиката секогаш ќе се движи побрзо од играчите (на противникот) и тука се отвораат дупките, се пробиваат автобусите, тука пукаат шавовите на одбраните на противниците. И еве, колку да не рече некој „што се прави овој на тошо?“, ќе напишам уште 10 букви: Лионел Меси.

Зоран: Ова за многумина може да изгледа нескромно и арогантно, но гледано моментално Реал не покажува никакви слабости или може не се воочуваа. Но има неколку аспекти кои можат да се посочат како потенцијални слабости. Прво, Марсело како лев бек може да преставува некоја опасност бидејќи тој оваа сезона почна да игра како класичен лев бек со многу дефанзивни задачи откако дојде Мурињо, во минатите сезони тој играше како лево крило и беше многу офанзивен, рака на срце многу добро се снајде во новата улога во тимот, тоа го покажува и фактот дека самиот Мурињо има огромна доверба во него, Марсело како лев бек добро се позиционира, знае да го најде правиот момент кога треба да се пресекува топката, а не да се излетува како ланската сезона кога играше како лев бек против Севиља и каде Хесус Навас му го сврте умот, за добрите игри на Марсело во дефанзива мислам дека е заслужен само Мурињо и никој друг. Но, во понеделник треба да игра против најдобриот играч на светот Меси и треба да се справи со неговата брзина и снаоливост, и убеден сум дека поголемиот дел од тактиката на Барселона ќе биде да ја напаѓаат таа страна и Марсело, а тоа може да претставува голема опасност. Второ, некако Пепе изгледа како да е несигурен во некои ситуации и последните неколку натпревари кога Реал примаше голови тој беше главниот виновник, сетете се само на првиот гол на Милан на Сан Сиро, која грешка ја направи Пепе, затоа Пепе треба да се собере и да биде многу повниметелен. За силни страни на Реал оваа сезона има многу кои претходните сезони ги немаше, а за тоа е заслужен само Мурињо, се бранат колективно и дициплинирано со 10 играчи, напаѓаат со 6 до 7 играчи, желни се за победа, се борат сите заедно, нема да се истакнуваат само како индивидуалните, туку се се подредува на тимот и колективот. Друга силна страна на Реал е и моменталната форма на Кристиано Роналдо кој даде 14 голови во лигата во само 7 или 8 кола што е феноменално, но не е себичен како претходните години бидејќи и самиот сфати дека ако тимот не освојува титули дека тој неможе да ги освои индивидуалните награди.

Од каде мислите дека ќе доаѓа најголемата опасност за вашиот тим, кое е најсилното оружје на противникот?

Боби: Роналдо, Озил, Ди Мариа, Игуаин... станува збор за многу брзи играчи кои често остануваат на половината на противникот и во фаза на одбрана, што иако некој би помислил дека отвора повеќе простор меѓу линиите на обрана и напад кои противник како Барселона би можел да го искористи, сепак во тимот има деструктивци како Чаби Алонсо и Кедира чија задача е да ја анулираат оваа „мана“ на нападот. Кристијано иако игра лево е далеку од класично крило. Повеќе го гледам како „десетка“ на левата страна, една убиствена гол-машина и играч кој е клучен во нападот на тимот, односно карактеристиките на неговата игра и ефектите кои ги предизвикуваат ќе се главниот проблем за четата на Гвардиола и проблем кој мора да се реши соодветно. Еден успешен обид за ова видовме на 10. април на Бернабеу, кога Дани Алвеш беше поставен како „десно крило“, додека на десната бековска позиција командуваше Пујол. Мурињо е далеку од наивен, Гвардиола е шахист – едвај чекам да видам што си подготвиле еден на друг на ова поле. Покрај Роналдо, ме импресионира начинот на кој Ди Мариа се адаптираше во екипата, како и „замената на Кака“ Месут Озил, човекот кој можеби ќе биде причината поради која во јуни догодина Рикардо Кака ќе се врати во Милано. Плус, Озил ми е мил бидејќи навива за Барселона :)

Зоран: Чави, сите ќе ми се иснасмеа на ова бидејќи сите ќе речат дека тоа треба да биде Меси, но јас имам објаснување за ова. Чави е мозокот на системот кој го игра и негува Барселона таканаречениот „тики-така“ начин на игра кој се состои од голем посед на топката, брзи додавања со кои брзо кружи топката од едната на другата страна од теренот и каде се прави „вишок“ играч и тогаш е многу полесно да се даваат голови кога Меси ќе остане еден на еден со бековите, а кога ќе ја изгубат топка прават притисок на противникот и веднаш ја одземаат топка. Од тие причини Чави е клучниот играч со неговите магични пасови што се вели како да имаат очи ја прави играта убиствена за противникот, треба да се потсетиме само на последното Ел Класико кога Реал изигра одлично од дефанзивен аспект, но само 15 секунди го остави сам и паднаа двата гола на Меси и Педро. Најискрено ако сум навивач на Реал, но сметам дека во овие 3 години Чави е најдобриот играч на светот. Погледнете само и шпанската репрезентација освои Европско и Светско Превенство, а предходните натпреварувања не можеше да помине ни четвртфинале, а во таа репрезентација го нема „големиот“ Меси. Зошто Меси не направи нешто со Аргентина? Според мене, го нема Чави.

Кои сметате дека се слабите точки на противникот кои вашиот тим може да ги искористи?

Боби: Со сиот ризик некој да ме смести во класа: идиоти откако ќе го напишам ова, мислам дека човекот кој се препороди под палката на „Специјалниот“, Марсело, е најслабиот линк во дефанзивата на Мадрид и точка која треба да се преоптовари до топење, затоа што најлесно може да попушти и да пукне. Токму неговите офанзивни карактеристики очекувам да бидат од најголема помош за Лео Меси, Педро и Алвеш при експлоатација на десната страна на теренот, или да се изразам земјоделски, мислам дека него може најлесно да го ораат како бавча, од било кој друг шизик меѓу љубителите на меренге.

Зоран: Во претходните 2 сезони Барселона не покажуваше никакви слабости, но мислам дека оваа сезона излегоа неколку слабости на површина, кои слабости одредени екипи ги искористија и беа успешни (Херкулес, Мајорка и Рубин Казан) и други екипи ги покажуваа тие слабости, но немаа доволен квалитет да направат нешто повеќе. Грешката на Барселона оваа сезона беше што го продадоа Јаја Туре кој беше клучниот играч заедно со Чави кои вршеа притисок откако ќе ја изгубеа топката и противниците неможеа да дигнат глава. Не можеа да најдат соодветна замена и оваа сезона противниците прават повеќе контранапади и упатуваат повеќе удари на гол тоа може статистички да се види. Според мене, други слабости се и двата бекови Максвел и Дани Алвес кои се многу офанзивни и кои високо напаѓаат во противничката половина. Како слабост може да наведе и играта на Пике кој оваа сезона делува многу спор и кој е делимично крив за головите што ги прима Барселона и шпанската репрезентација. Мислам дека тука треба играчите на Реал да ја бараат својата шанса и преку добри контранапади да го совладат Валдес кој рака на срце и не е некој добар голман

Од тактичка гледна точка, што мислите дека ќе биде клучно за да се добие овој натпревар?

Боби: Во претходните две прашања одговорите се вртеа околу страната на теренот по која најчесто ќе играат Марсело, Алвеш, Роналдо, Меси, Педро. Но бидејќи Гвардиола и Мурињо имаат тактичко и лично студиозно познавање кое е далеку од моето како планетата Земја до Алфа Кентаури, не треба да бидеме наивни и да заборавиме да ги предвидиме промените на позиции, формациските варијации, односно (кога е Барса во прашање) позиционирањето на Меси како „лажна деветка“, слободната улога на Иниеста во средината и по левата офанзивна страна, ротациите на Виља. Клучно за Барселона ќе биде да ја има топката и да ја движи брзо. Доколку ефективно успее да го прави ова, тимот е 51% пред создавањето максимално оргазмична атмосфера во Каталонија за прослава на 111. роденден на фудбалскиот клуб Барселона. Останатите 49% ќе бидат дефинирани од способноста да се нијансираат во блау-грана тонови моментите кои нудат можност фудбалските генијалци да покажат зошто некој би се сеќавал на нив и би ги спомнувал и после 50-60 години од овој меч. На крилјата на публиката и на значењето на мечот во моментот, се надевам дека ќе успеат во ова.

Да, значајно ќе биде Алвеш да игра дефанзива и кога тој не смета дека е најпотребно и да не ги остави сами Пике и Пујол на немилоста на мадридскиот атак. Дефанзивно, многу е важно и Максвел/Абидал/Адријано (кој и од нив да ја запоседне левата бековска позиција – типувам на Абидал) да бидат доволно брзи и флексибилни, Бускетс да ги пресече каналите на дистрибуција до и од Озил и Чаби Алонсо, Валдез да ја направи „онаа клучна интервенција“ а ла одбраната на ударот на Сисе на мечот со Панатинаикос, односно на Роналдо на Класико од пред точно една година кое патем, Реал го одигра одлично. Важно е и Чави да го постигне врвот од формата после проблемите со повредата и да ги натера керберите задолжени за него да повторуваат „Каде е Чави, каде е Чави?“ кога ќе се вртат како вентилатор околу него. Важно е Иниеста да посака да направи нов бејби-бум во Каталонија. Се’ е важно. Но најважна е онаа карактеристика која ја имаат големите екипи: ако тимот е „даун“ да има индивидуалец кој ќе го понесе на грб, односно, кога индивидуалците се затворени, тимски да се изигра доволно за победа. Барса треба, како и секогаш до сега, да покаже дека со право не влегува во медиумските баханалии особено кога знае дека тие се едно од главните оружја, а ги има неколку и ќе се користи со сите, на човекот кој е донесен во Шпанија со една единствена цел – да ја победи Барса. Блауграна секогаш најдобро се изразувала онаму каде треба – на теренот.

Нај-зен дефиниција за тоа што треба за да се победи на мечот можеби има дадено Алан Ширер во една прилика, а истата беше спомната во еден минат фан вс. Фан на овој сајт кога Марко Стојановиќ ги бранеше боите на Арсенал, и таа е: „Да успееме да постигнеме повеќе голови од противникот“ :)

Зоран: После многу години и меѓусебни натпревари мислам дека ова ќе биде најтактичкото Ел Класико ќе има многу надмудрување од двете страни и ќе пробаат да најдат некој скриен адут за кој противникот нема да биде спремен, а тоа да ја донесе победата. Сакам да пишувам затоа што треба да направи Реал за да дојде до победата. Барселона е еден уигран тим кои се многу компактни кои играат неколку години се заедно и добро се познаваат, друга страна пак Реал со овој тренер и новите играчи се само неколку месеци заедно и тоа може да биде еден голем минус, но тоа може да се надохнади само со цврста, дициплинирана и борбена игра. Реал ако сака да дојде до триумф на овој натпревар кој не е одлучувачки, но е многу битен за понатамошниот расплет во Ла Лига според мене од тактичка гледна точка треба да направи неколку работи. Прво, треба да се прекине брзото движење на топката кое пак е од битно значење за играта на Барселона бидејќи ако се проба да се изврши притисок оние кратки додавања тие ќе станат уште пократки што пак ќе значи дека нема да бидат толку убоити, а тоа може да се постигне ако се игра пресинг на Бускец кој според мене моментално е најслаба алка во средниот ред на Барселона. Бускец игра како единствен дефанзивец и неможе без подршка од страна на Чави и Иниеста, а Реал треба да форсира повеќе да се игра Бускец и со интелегенцијата на Чави Алонсо и цврстината на Кедира со правовремено одземање на топката може да се направи добри услови за еден добар контранапад со кој може да се реши натпреварот. Второ, треба се игра висока одбрана за да не и се дозволи на Барселона да дојде до 20 метри од голот на Реал, тоа може да се изведе само со компактна и тимска дефанзивна игра по целиот дел од теренот. Трето, треба да се искористат сите шанси што ќе се укажат бидејќи мислам дека на овој натпревар нема да има многу шанси и на двете страни. Четврто, треба да се игра на контранапади бидејќи со Роналдо и Ди Марија во тимот тоа може да биде добитна комбинација затоа што Барселона ќе игра со топката и бидејќи Барселона е многу офанзивна екипа, а од друга страна ќе има повеќе простор. Петто, треба да се постави добра одбрана врз Меси и клучниот играч Чави, за Меси треба Кедира или Чави Алонсо да му помага на Марсело, не со класично удвојување туку со една зонска одбрана да му се скратува просторот за маневар, а за Чави треба да помага Озил како што беше со Пирло против Милан и каде се покажа многу успешно.

Стана традиција на Камп Ноу да се прави масивен мозаик на големите натпревари, кореографијата во недела ќе биде во боите на клубот и на Каталонија, а главната порака е “T’estimo Barça” - "Те сакам Барса". Мозаикот ќе го видиме во понеделник, но пред тоа околу 7 милиони фанови на Барса од целиот свет на фејсбук ќе ја имаат сликата од мозаикот како профил слика. Нешто слично на "Ремунтадата" која беше актуелна пред реванш натпреварот против Интер минатата сезона. Какво е влијанието на ваквите масовни акции? (само за фанот на Барса)

Боби: Точно е дека традиционално се прави мозаик пред големите натпревари. Со самото гледање на слики и на видеа од едни вакви кореографии, карактеристични за Барселона, мене лично ми лазат морници, а не можам да замислам каква мотивација плус се и за сите играчи на тимот. Особено за мечот со Реал расположението ќе меѓу публиката ќе го достигне врвот токму поради роденденската прослава на Барса, формирана токму на 29. ноември, па иако во Ла Лига не сме изнагледале или изнаслушале пиромански декори како оние во Италија или англиско хорско навивање, сите речиси 100.000 луѓе на Камп Ноу ќе бидат подготвени 90 минути да се стават на располагање на она што за нив е повеќе од клуб.

За влијанието на ваквите акции, прагматичар како Мурињо би декол дека не помагаат бидејќи и покрај „ремунтада“ моментот, Барселона не успеа да постигне втор гол против Интер и да дојде во позиција да ја брани титулата од Лигата на шампиони среде Мадрид. Сепак, една од причините поради која јас на пример навивам за Барселона, а некој читател на 24 фудбал за Реал Мадрид веројатно е и во начинот на восприемање на се поврзано со клубот и она што тој претставува, а Барселона претставува едно големо семејство, фамилија на пасионирани љубители со, како што љубат да кажат пријателите од Каталонија, „Барса ДНК“ во себе. Па, чувството на припадност, на унифицираност, екипираност пред големиот меч на планетарно ниво, од Фиџи до Сиетл, кое го добива секој „куле“ гледајќи иста фејсбук слика кај стотиците, илјадниците свои виртуелни пријатели, е уште едно делче од еден друг мозаик кој се вика исто како и првиот: „T’estimo Barça“. Покрај фудбалскиот, мислам дека Барселона може да се нарече и социолошки феномен, меѓу другото токму поради ваквите акции.

Кулминацијата ќе биде на Камп Ноу и на милионите телевизори низ целиот свет, позиционирани во луксузни станови во големи градови, во шатори среде пустина, во кафулиња и пабови, по улици... Милионите навивачи на Барселона во понеделник ќе станат уште едно поголемо „Едно“ и својата енергија ќе ја насочат кон Камп Ноу. Врвот ќе е постигнат пред првиот свиреж на судијата, бидејќи за ваквите акции, исходот на натпреварот не е најважното нешто, иако токму тој е лајт-мотивот. Сепак, поважно е чувството... Особено затоа што во светски рамки – е единствено.

Не беше потребно многу време за Жозе Мурињо да се адаптира на клупата на Реал Мадрид и да покаже резултати, Кралскиот клуб нема пораз во досегашниот дел од сезоната, изгледа стабилно, силно и игра добро во континуитет. Како си задоволен од работата на Португалецот, може ли Мурињо да го врати Реал Мадрид на врвот? (само за фанот на Реал Мадрид)

Зоран: Не сум задоволен од Мурињо, туку сум ПРЕЗАДОВОЛЕН не само затоа што Реал игра убаво и е без пораз досега под негово водство, ни затоа што руши секакви рекорди бидејќи тоа може и друг да го направи. Задоволен сум затоа што Мурињо успеа само за неколку месеци во Реал да смени многу работи, да направи една компактна и дисциплинирана екипа во која нема предност да имаат индивидуалците, туку на прво место ќе биде екипата, купи млади, а талентирани играчи кои се желни за докажување кои немаат ништо освоено и ќе се борат и гинат по теренот за секоја топка. Мурињо роден лидер, го презема притисокот на медиумите врз себе и сега играчите можат слободно да играат без никаков притисок. Мурињо воведе дисциплина во клубот, зема се во своја контрола што е од спортски аспект буквално се, ништо неможе да му излезе од контрола. Овие неколку месеци се труди и ќе направи играч од Бензема, му укажува дека најбитно нешто е екипата а не индивидуализмот бидејќи без екипата нема успех. Тоа овој почна да го сфаќа и сега се бори како лав на теренот за секоја топка. Мурињо е огромен мотиватор и знае да повлече потег во вистински момент. Со еден збор Мурињо е створен за Реал Мадрид и ќе го врати на вистинските патеки, таму каде му е местото на самиот врв. Мурињо немаше проблеми со адаптацијата во Реал бидејќи тој е роден победник и вистински лидер.

Вашата прогноза, како ќе заврши овој натпревар?

Боби: 8-0 :) Колку и да сакам да видам солзи на Кристијано Роналдо во понеделник, колку и тој да сака да го расплаче Камп Ноу (немам ништо против „Кики како играч на Реал“, да се разбереме), сметам дека Му ќе игра да не загуби (еурека!), а Пеп за да победи – макар и минимално. Сепак, и покрај предусловите конечниот епилог да се движи во рангот од 1:0 до 1:1, се надевам на „голеада“ и роденденска честитка на тимот до сите навивачи, презентирана на големите „семафори“ на Камп Ноу, на кои ќе стои: Барселона 4-1 Реал Мадрид.

Зоран: Како што кажав претходно во овој натпревар ќе одлучуваат нијанси во сите аспекти бидејќи овие екипи се многу изедначени. Многу е тешко да се прогнозира во вакви натпревари. Ќе има големо надмудрување помеѓу сите актери во ова шоу. Меѓутоа сметам дека и на овој натпревар ќе доминира Мурињо и дека има некој скриен адут во својот ракав како што сме досега навикнати да гледаме од него. Поради тоа ќе се осудам да прогнозирам победа на Реал Мадрид со 0-2, со головите на Кристиано Роналдо (ќе му биде прв во кариерата против Барселона воопшто) и Бензема. HALA MADRID!!!

Подготви: Ристе Ѓорѓиевски

Извор: 24 фудбал

El Clásico историја: ОДТ - Барселона 1-2 | 2004

2010-11-27T02:52:00.005+01:00

Ова „Ел Класико“ не е од оние играни на „Камп Ноу“, но Ве потсетуваме на него од неколку причини: Прва и најглавна – со него на некој начин почнуваат златните години на Барселона од првата деценија на овој век; Второ на овој натпревар Чави го постигна својот најдрагоцен погодок во кариерата [како што и самиот ќе изјави во едно свое интервју].

Барселона се наоѓаше во катастрофални години. Неколку сезони без трофеј. Таа сезона се случи големата пресвртница во Шпанскиот фудбал. Големиот потег на Жоан Лапорта и донесувањето на Дињо на „Камп Ноу“. Започна градењето на нов тим со младиот холандски стратег Франк Рајкард на чело. Таа сезона Реал славеше на првото дерби со 1-2, но Барселона возврати со истиот резултат на Бернабе, со брилијантна игра и заслужена победа.

Иако на крајот на сезоната Барса не славеше титула сепак тоа беше навестување на големата експанзија на тимот. Следуваа години исполнети со титули во сите конкуренции. Слободно ова Ел Класико можам да го прогласам за доста важно за поновата историја на Барселона.

Головите за Барса ги постигнаа Патрик Клајверт за израмнување на 1-1 и голот за победа дело на Чави – по прекрасно лоб проигрување на Роналдињо преку целата одбрана на противникот.

El Clásico историја: Барса 2-0 Тимот на предавникот | 2000

2010-11-26T05:30:00.002+01:00

ПИ*ДО: „БЕШЕ КРАЛ,
А СЕ ВРАЌАШ КАКО РОБ“

Помладите нема да се сеќаваат на ова дерби, но останатите сигурно дека го паметат многу живо. Ова беше еден од Ел Класико натпреварите кои Барса и навивачите сакаа да го освојат повеќе од било кога. Дербито дојде неколку месеци после шокантното заминување на миленикот, идолот на и обожаваниот од публиката, Португалецот Лу*с Ф**о од Барселона во Реал Мадрид.

Приказната е долга и широка за да се раскажува сега, но во кратки црти може да кажеме дека стануваше збор за пари, време на претседателски избори и кај нас и кај нив, транзиција меѓу Нуњез и Гаспарт на чело на Блауграна, и појава на создателот на „Лос Галактикос“ Флорентино Перез, победувајќи на изборите најмногу поради гарантот за трансфер на Ф**о од вечниот ривал Барселона. Лоренцо Санз, претседателот на Реал пред Флорентино распиша избори после победата во ЛШ, сигурен во својата победа... Но, се случи што се случи.

ЏИМИ ЏАМП, ЛЕГЕНДА ОД ЧОВЕК
„Да го видите Ф**о со знаме од Барселона
на денот кога го губи финалето на ЕП.... бесценето“

Јас лично не паметам Камп Ноу да бил погласен. Не го гледав мечот во живот, туку дома, но со слушалки на уво, скупчен на старата кафеава гарнитура во дневната соба, наместен пред сателитот на ТРТ 1 - да живее турската телевизија - и урлав од радост.

10 години подоцна, барем кај мене, болката која ни ја нанесе португалската свиња која до летото 2000. беше икона, капитен на Барселона - не е заборавена. Ниту некогаш ќе биде. Затоа, беше убаво да се види Ф**о поразен, деконцентриран, збунет, како страда.

Него да, да не заборавам: ГОЛОВИТЕ ги постигнаа Луис Енрике [екс мадридистата во нашата екипа - иако не баш, бидејќи е од Хихон оригинално, а во Мандрил не се изнаигра] и Симао Саброса, тогаш младото Португалче донесено како „замена“ за Ф**о :) Sweet...

Kвалитетот на видеото е слаб, ама интересните моменти ќе се видат, плус...

...има уште едно видео, чисто посветено на дочекот на предавникот, од истиот натпревар, ама далеку поквалитетно и „позвучно“.

Гаспарт: „Ф**о е предавник, Мурињо не“

2010-11-26T04:53:00.002+01:00

Според поранешниот претседател на Барселона, Жоан Гаспарт, неспоредливи се Ф**о и Жозе Мурињо. Екс-президенте изјави дека се надева на нормален пречек на Мурињо на Камп Ноу.

СВИЊО ЕДНА

„Лу*с Ф**о ја предаде Барса, но Мурињо и Кристијано Роналдо - не“, изјави Гаспарт за радио Каталуња.

„Ноу Камп треба да го прими Мурињо како и било кој друг“, додаде поранешниот лидер, спомнувајќи си за лошиот пречек кој го доби токму сонародникот на Мурињо [кој не само во овој туку и во сите минати и идни текстови ќе е цензуриран со помош на програмчето ImeDaNeMuSeSpomne] при неговите „враќања“ на Камп Ноу како играч на Оној другиот тим.

Честито осминафинале, лидери [Панатинаикос 0-3 Барселона]

2010-11-25T02:57:00.002+01:00

Рутински, искусно, мирно. Победа кај јужниот сосед за прв пат во ЛШ, доволна за обезбедување на првото место во групата кое, барем на хартија, „гарантира“ полесен противник во нокаут фазата на најквалитетното фудбалско натпреварување во Европа. Меч кој помина во тотална доминација на Барселона, меч во кој после 10-минутното излагање на домаќините гостите одлучија да го започнат својот рецитал, ефективен, и со враќањето на бис на Педро и еден гол постигнат од (замислете!) Меси се најави подготвеноста за она што следи во понеделник.

Околу тактиката би можеле да беседиме многу, меѓутоа веројатно е доволно да се каже дека Пеп намерно „експериментираше“ со позиционирањето на својата чета, чисто колку да го збуни неговиот колега од ОДТ. И плус, Максерано беше маестрален... ЛШ групна фаза - штиклирано. Знаеме што следи...

Revista de la Liga | Sky Sports [12. коло + се' за Ел Класико ]

2010-11-24T19:31:00.001+01:00

Овонеделната Revista de la Liga [на нашиот блог] доаѓа веднаш по првата објавена од овој серијал и е посветена најмногу на она што целиот свет го очекува со нетрпение во понеделник [доколку имаат сателитски на Марс, Нептун или во ближните галаксии, и таму се грицкаат нокти, сосема сигурно].

Во неа, шпанскиот спортски новинар Гуијем Балахуе инсинуира дека слабиот старт на сезоната за Барселона е планиран и дека е дел од еден поголем план - врвот да се достигне во ноември, кога тимот го очекуваа/т клучни натпревари, вклучувајќи го и понеделничкото Ел Класико.

Зборувајќи за последната Revista de la Liga, Балахуе забележа дека „идејата беше да се кулминира во ноември - тимот има шест последователни победи во Примера и изгледа опасно, во смисол притисокот кој го прави на половината на противникот, како на пример против Бијареал (Виљареал). Интензитетот на играта, дистрибуирањето на топката - сето тоа покажува дека тимот е во самиот врв на својата моќ“.

Овој план наводно е подготвен од техничкиот тим на Барселона за да се справи со исцрпеноста на играчите која редовно следи секоја година во оној пост фестум на Светското Првенство, односно недостатокот на солидна предсезона. Балахуе тврди дека натпреварот против Херкулес е де-факто меч од пред сезоната за Барса, и дека тимот започна да фаќа темпо точно на време за дуелот против ОДТ.

Еве го најновиот преглед на Ла Лига, во продукција на Sky Sports, а пренесен тука благодарение на Aндрес [човекот кој ги постира видеата на YouTube] и пријателчето ни Рамзи, дечкото кој ни посочи за активностите на Андрес.

Футболитис: Стрип на денот [23.11.2010]

2010-11-24T19:16:00.003+01:00

Пеп: „Ниту натпреварот од ова коло во Лигата на шампиони не може да го засени Ел Класико“

ИЗВОР: SPORT.ES

Vox Populi пред Ел Класико: Пујол и Маскерано

2010-11-24T19:02:00.000+01:00

И покрај одлуката „да се држат устите затворени“ пред дербито во понеделник, се очекува Маскерано и Пујол да се појават на редовните прес конференции во сабота и недела, соодветно.

Гвардиола исто така се очекува да се појави на редовната прес конференција пред натпреварот со ОДТ. Сепак, никој не очекува многу зборување за нив. Одлуката на клубот е да не се влегува во војна со зборови за да не се деконцентрираат играчите пред натпреварот, односно да не се одговара на провокациите кои доаѓаат од главниот град на Шпанија.

Ова значи дека изјавите на Кики од минатата недела нема да одекнат меѓу играчите на Барса. Тие се одлучни за се што ги интересира МуМу, Кики и дружината да им одговорат на теренот на Камп Ноу.

El Clásico историја: Барса 3-0 О.Д.Т. | 1997

2010-11-24T16:15:00.000+01:00

Време е да ја пополека да ја подигаме атмосферата пред Ел Класико. Од денес, па се до понеделник секој ден ќе објавуваме по минимум едно клипче од дербијата одиграни на Камп Ноу последните 15-тина години [а мооожеби ќе најдеме место и за некое гостување на Бернабеу :D].

За почеток, ве враќаме во 1997. година кога наједноставно опишано уште носевме Kappa дресови, Френк Синатра беше жив, Хонг Конг беше уште под власт на Елизабета II, а вашиот уредник го гледаше едно од своите први дербија, на кое живо се сеќава. За фризурата на Пеџа Мијатович нема да коментираме, бидејќи и ден денес е - истата.

За Барса која тогаш ја водеше Луј ван Гал настапија: Хесп, Ферер, Надал, Богард, Серхи, Луис Енрике, Селадес, Џовани [Оскар Гарсија 88'], Ривалдо, Ф**о, Сони Андерсон [Амор 83'].

Победа без резерви

2010-11-24T15:56:00.001+01:00

Eден од приоритетите на Пеп Гвардиола е да се пласира во втората фаза од Лигата на шампиони. Патот до таму води преку Атина, каде вечерва од 20:45 домашниот Панатинаикос ќе биде противникот кој треба да се победи за да се обезбеди првото место на табелата.

НИЕ НЕ СМЕ ГРЦИ, ШПАНЦИ И ГУБИТНИЦИ

Доколку Копенхаген загуби од Рубин Казан [мечот се игра во 18:30] на четата математички би и било јасно дека и со реми останува на првото место во групата, но Гвардиола најави дека такви калкулации нема да има. Ќе игра со најдобрите 11 и ќе оди на победа.

Време е конечно, во Грција, да биде забележана и првата „тројка“ на гости во ЛШ сезонава, после идентичните 1-1 третмани во Татарстан и Данска. Кај Русите „имаше нешто ладно“, кај Данците „немаше ништо гнило“ - напротив, поставија една дисциплинирана игра која подоцна се обидоа да ја ископираат сите наредни противници на Барса [и не успеаа] - па ред е во Грција да има нешто жешко :)

Лео е во максимално пукачко расположение, Бојан е ризичен за игра да не му падне пак тонусот после парот голови против Алмерија но веројатно ќе стартува во првите 11, а Виља ќе гледа да се врати на голгетерските ќеифови, после паузата во Алмерија, а пред Ел Класико во понеделник.

Еј, толкав текст, а само еднаш го спомнавме мечот во понеделник... Само сакаме да ја пренесеме атмосферата од соблекувалната на Барселона, каде за верување е дека никој не мисли на дербито [барем се труди, со натчовечки напори - што тешко му оди на авторот на овие редови] туку сите се максимално фокусирани на мечот со Панатинаикос. Бидејќи е важен. Бидејќи, иако момците може да истрчаат на терен знаејќи дека веќе се квалификувани [ако Рубин не успее да победи против гостите од Данска], сепак првото место нема да е обезбедено. А во последното коло „играње играчки“ нема - на Камп Ноу гостува добро познатиот од минатата сезона Рубин Казан.

Има уште најмалку две причини поради кои мора да се оди на чиста победа вечерва: прво, Барселона гостувала неколку пати во Грција [пет поточно; 2-1-2] и никогаш не извојувала победа во Лигата на Шампиони; второ, колку и да кажуваат декларативно дека не се фокусираат на Ел Класико и дека секој меч го третираат како посебен, од натпревар во натпревар, Барса мора да го задржи моралот на високо ниво во пресрет на најважниот меч од полусезоната.

Оној другиот тим ја заврши својата работа вчера против Ајакс, иако постигна само половина од головите кои ги бараше... :) Денес е нашиот ред!

Затоа, нека има фешта вечерва во Атина. Блауграна експедицијо, напред!

п.с. Линкови за следење на мечот ќе бидат постирани на фб групата.

Revista de la Liga | Sky Sports [11. коло]

2010-11-24T15:26:00.000+01:00

Од денес започнуваме со објавување на прегледот на шпанското првенство на Sky Sports, емисија која ќе биде вистинска посластица за пасионираните љубители на Ла Лига за кои фудбалот е повеќе од кладилничарскиот пристап а ла „конечен резултат“.

Сите почести за објавувањето на овој видео материјал на нет одат кај Андрес, и моето пријателче Рамзи, на чиј одличен блог ја дознавме оваа информација. Па, ако сакате in-depth анализи за секое коло на примера од страна на солидните коментатори на Sky Sports, јавувања од лице место, спротиставени ставови, муабети за се и сешто околу натпреварите... Блауграна.мк е тука за вас.

Врзете ги појасите, почнуваме:

8, за ум [Алмерија 0-8 Барселона]

2010-11-21T04:19:00.000+01:00

Што и да се обиде човек да каже после еден ваков резултат ќе е помалку од она што фудбалерите го кажаа на теренот. Еве ви неколку бројки наместо пофалби и епитети кои ќе се излишни: 0-8 против Алмерија е израмнување на рекордот за највисока победа реализирана на гостински терен, и тоа пред 51 година кога на 25. октомври 1959, тимот раководен од легендарниот Хеленио Херера на гости го совлада Лас Палмас со идентичен резултат. Во Ла Лига Барса нема постигнато ваква осумка од 97. кога настрада Логроњес, а ова е изедначување на рекордот за најдобар старт на гостувањата во Примера (заедно со Оној другиот тим кој го постигна истото во 1991/92).

Ова е најголемата победа во ерата на Пеп, а на натпреварот против Алмерија Меси стигна до бројката од 101 гол во Ла Лига со 23 години и 149 дена.

Нареден противник... Другиот тим. Време е за поставување на работите „на свое место“ сезонава. Ама, ќе биде добра битка...

Последен тест пред „Ел Класико“

2010-11-20T08:34:00.002+01:00

Почнува викенд фудбалската програма во „Ла Лига“. Најчесто поставуваното прашање во него е: „Ќе останат ли водечките на исто растојание?“ Барселона има гостување во Андалузија кај незгодната Алмерија, а Реал игра против фудбалскиот бастионот од Баскија – Атлетик Билбао.

После исцрпувачката недела во која поголемиот дел од фудбалерите беа на репрезентативна должност за Барса следува натпревар против екипа од долниот дел на табелата.

Ситуацијата со составот е задоволителна, иако неколку играчи се вратија со ситни повреди од своите должности. Поради тоа Ерик Абидал нема да патува со тимот, а Пике е под знак прашалник [што поради повреда, што поради претпазливост]. Останатите се здрави, но дел од нив играа по 90 минути пред само 48 часа и имаа само по два цели тренинга со соиграчите. Стручното раководство одлучи да се патува на денот на натпреварот – што значи дека и заморот би можел да биде проблем за дел од играчите. „Вирус ФИФА!“

Околу моменталната форма – тимот го игра можеби најдоброто во смисла на напад и реализација. Секако за тоа најголема благодарност треба да му се оддаде на Меси, неговите голови и асистенции. Давид Виља почна да личи на „ѕверот“ од Валенсија, проработи и Педро. За одбраната мора да заклучиме дека не е на ланското ниво, иако тоа нема некое големо влијание на резултатите. Формата на гостински терен во бројки 5 од 5.

Противник на Барса е Алмерија – тим кој контрастно на нас нема ниедна победа на домашен терен. Само една победа во 11 натпревари. Големиот пријател на Пеп – Хуан Мануел Лиљо даде интересна изјава за натпреварот: „Против Барселона го играте тоа што ќе ви го дозволат да го играте. Најважно од се е дека ние сме способни да ги искористиме шансите што тие ќе ни ги допуштат.“ Иако е во зоната за испаѓање овој тим на Алмерија секогаш игра со посебни мотиви против Барселона. Ќе се потсетиме на ланскиот натпревар – исклучувањето на Ибра и двата прекрасни гола на Меси кои не беа доволни за победа. Алмерија на тој натпревар одигра доста храбро и ни создаде огромни проблеми.

Очекувам тежок и исцрпувачки натпревар за Барселона. Сигурен сум дека Алмерија нема да тргне со „камикази стил“ во напад, но би требало да играат силен пресинг на средината на теренот и на нашата одбранбена четворка. Што порано го отвориме натпреварот, толку подобро. Најважно од се е да се сочува празна мрежата на Валдес. Средината вообичаено треба да си ја заврши својата задача. За креацијата во нападот би требало да се погрижат Меси и Виља. Минимална победа и одржување на притисокот врз Реал кој својот натпревар го започнува веднаш после нас.

Курск потона во Каталонија [Барса 3-1 Виљареал]

2010-11-14T17:31:00.001+01:00

Tрет натпревар по ред Виља + Меси ефективно ја предводат Барселона до нови 3 бода на контото во обидот за одбрана на титулата во Примера. Овој пат „жртва“ беше високорангираниот Виљареал, „жолтата подморница“ која може буквално да се нарече - нуклеарна: станува збор за една од екипите кои публиката на Камп Ноу баш и не обожава да ги гледа, бидејќи се традиционално „изгор“ тешки за средување на нашето домашно буниште.

Меѓутоа, синоќа одигравме сосема солидно во поголемиот дел од натпреварот во кој сосема непотребно се истакна главниот судија т.е. неговиот асистент најпрво досудувајќи апсолутно непостоечки офсајд кој на Барса и го скрати вториот гол со кој ќе го убиеше мечот, моменти пред Нилмар во една одлична соло акција да го матира ВВ, а подоцна уште во 2 прилики, една кога Максвел не заработи црвен картон за старт од позади [компензација е права ствар].

Третиот гол на Меси послужи само уште како еден куршум во арсеналот на јадачите на слатки кои и после овој меч ќе спорат за некакви осфајди, шмофсајди. Ако, треба да има и такви :) Ние, иако оштетени, се буниме многу малку.

Еве ги головите, особено вториот :) :

Дон Андрес - шампион каков што многумина никогаш нема да бидат

2010-11-12T18:01:00.001+01:00

Dani Jarque siempre con nosotros - oваа порака, поздрав до загубениот пријател ја напиша Андрес Иниеста на маичката која ја носеше под дресот во финалето на Светското првенство. Како да знаеше дека ќе успее да постигне гол и ќе има прилика да му оддаде почест на својот пријател Дани Жарке, капитенот на жестокиот ривал на Барселона, Еспањол, кој почина минатата година од срцев удар.

ДОН АНДРЕС - LARGER THAN LIFE

Гест на човек, гест на шампион кој заслужено доживува standing ovation на сите стадиони во Шпанија, херој на земјата на Светските шампиони поради неговиот грандиозен талент, но и поради гестот како овој - во моментот по кој ќе го паметат генерации на фудбалски фанови од целиот свет децении откако него ќе го нема, секој ќе знае дека Андрес со голот не само што ја зацементира сопствената бесмртност, туку прати многу важни пораки, потсети на важни работи, на кои ние „обичните луѓе“ некогаш подзабораваме...

Вчера Иниеста ја подари култната маичка на Даниел Санчез Јибре, претседателот на Еспањол. За време на неговиот говор, речиси расплакувајќи се, Андрес изјави: „Тешко е да ги контролирам емоциите. Многу ми е тешко да се разделам од маицата, но знам дека ова е најдоброто место за неа... Јас го постигнав голот, но и тој ќе биде запаметен“.

На церемонијата присуствуваа фамилиите на Иниеста и Жарке, официјални лица од двата клуба и неколку играчи на Еспањол.

Еве го официјалното видео од Еспањол ТВ:

Чави Андреу, директор за комуникации во Еспањол:

„Велат дека сликата вреди илјада зборови. За членовите и поддржувачите на Еспањол, големиот гест на човечност на Андрес не остави без збор на 11. јули оваа година. Долго време сите фанови на фудбалксата игра ќе може да се присетат на важноста на фундаменталните вредности на спортот, кои се поголеми дури и од ривалствата. Андрес не' потсети на вредностите на пријателството, едноставноста и тимскиот дух. Ти благодарам Андрес. За нас, ти си вечен пријател, поради гестот кој секој ќе го слави, како што твојот фудбал ја демонстрира големината и врдноста на овој спорт кој буди многу емоции. Најмногу од се, чувството дека сите сме дел од една голема фамилија, фудбалската фамилија“.

Даниел Санчез Јибре, претседател на Еспањол:

„Тоа беше еден гест кој, од денот кога го видов голот... Да ви кажам нешто, јас веќе Иниеста го сметав за голем играч кој сите сме го виделе, но му кажав и нему „Ти си голем не само на теренот, туку и надвор од него“. Андрес, ти благодарам многу. Искрено за Еспањол и за сите „перикос“ [навивачите на Еспањол], ова е гест кој јас би рекол е тешко за верување дека се случи, но ти реално го направи. Ти благодарам многу од името на клубот. Твојот живот сигурно ќе има многу триумфални моменти бидејќи кога некој ќе направи вакво нешто, во иднина кога ќе се пензионираш се' уште ќе бидеш човекот кој е многу сакан и ценет меѓу навивачите на Еспањол и целиот свет.“

И, најдобар играч на светот е...

2010-11-11T19:12:00.002+01:00

Овогодинешната трка за Златната топка (Ballon d'Or), по се изгледа дека ќе биде крајно неизвесна. Интересно е тоа што фаворитите се едни, а најдобриот играч за минатата година е друг играч. Па, поради тоа треба да се одговори на прашањето – Што е поентата на Златната Топка? Да се награди најдобриот играч на светот, или најдобриот играч во некоја екипа која освоила некој трофеј?

ФИФА и France Football се здружија кога стануваат збор изборите, па оваа година ќе имаме еден играч кој ќе ја носи титулата најдобар играч во светот. До пред здружувањето, ФИФА одбираше свој лауреат, а магазинот свој.

Но тоа не е ништо чудно. Во ФИФА бираат капитените и селекторите на репрезентациите, додека за France Football бираат спортските новинари прво во Европа, а подоцна низ светот.

Она што е актуелно и нас не' интересира е одговорот на прашањето: Кој ја заслушува Златната топка во 2010 година?

За почеток, постои ли овде точен или неточен одговор? Во изборот никој не залутал и независно дали ги подржувате Чави, Иниеста, Снајдер, Меси, Роналдо, Форлан, Виља или Робен никој не може да ви рече дека немате аргументи или дека немате појма од фудбал. И секако, подржувањето на еден од овие играчи, никако не смее да значи дека останатите се лоши. Овие играчи се кремот на европскиот и светскиот фудбал. Ова се играчи кои со својата игра го пленат вниманието на фудбалската јавност.

Но, тоа што сите се добри не значи било кој да победи. Па, како да се одлучи помеѓу овие сјајни поединци?

France Football на гласачите им дава едноставни критериуми за гласање, четири на број:

1. индивидуалниот и клубскиот учинок на играчот низ целата сезона
2. класата на играчот ( талент и фер-плеј)
3. кариера
4. посебности и харизма

Забележувате ли дека постигнувањата во текот на сезоната се само еден од критериумите?

Годините кога имаше Светско првенство во минатото, обично се нешто полесни за избор од оние другите. Па така во 2006, 2002 и 1998 добитници на Златната топка и наградата од ФИФА беа најдобрите играчи од победничките екипи, Канаваро, Роналдо и Зидан, а останатите високи места главно ги заземаа оние кои блескаа на светските првенства, како Шукер во 1998, или пак случајот со Кан во 2002.

Од таа перспектива, ова би требало да биде година на Чави или Иниеста како водечки поединци на Шпанија. Но, без разлика што станува збор за едни брилијантни фудбалери кои измантите години ги предводат и клубот и репрезентацијата, тие не беа најдобри играчи на Шпанија во Јужна Африка, а камоли на првенството – без головите на Давид Виља, тешко дека Иниеста би дошол до прилика да стигне во финале, а камоли да постигне гол во него и да стане легенда на Шпанија. Еден од играчите кои импресионираше на ова СП беше Диего Форлан – актуелниот добитник на Златната топка од СП.

Како всушност да се одлучиш помеѓу нив двајца? Чави секако е најдобриот плејмејкер во светот, играч без кој Барселона и Шпанија не би имале такво пренесување на топката, односно би изостанала доминација на теренот. Но скромноста на Чави го прави своето, тој е еден од оние кои што не сакаат да се истакнуваат и во оваа ситуација тој вели дека тој е само оној кој дели топки. Реално, најдобар од сите во светот! Иниеста пак, е малку подинамичен, совршен техничар, комбинација од дриблинг и дар за комбинаторика, но во „рубриката“ за голови и асистенции постојат повеќе играчи од него кои направиле повеќе од него.

Кладилниците како фаворити го назначуваат Весли Снајдер. Крилниот играч на Интер имаше перфектна сезона, а исто така стигна со Холандија до финале на СП. Во овие походи на Интер и Холандија Снајдер имаше важна улога, имаше добри голови и многу важни асистенции. Но, ако се гледат сите негови особини – динамика, играта, точниот пас, прецизниот удар, тогаш се поставува прашањето – дали Весли Снајдер е најдобриот играч на светот? Не беше најдобар ни на СП (Форлан), не беше ни во Лигата на Шампионите (Милито), а не е ни играч кој остава без здив. За Златната топка да ја освои некој кој не освоил финале, мора да биде некој кој што генерацијата го памти, како што е Кројф (1974). Снајдер не го памтиме како таков, барем оваа сезона.

Виља, Форлан, Робен – сите имаа брилијатни моменти и големи успеси, но сите имаат и по некои слабости. Форлан и Виља имаат слаби клупски успеси, а Робен неуверливо СП и две порази во финалињата - ЛШ и СП.

Кристијано Роналдо имаше доста солидна прва сезона во Реал, но Реал и Португалија на крајот разочараа, а заедно со нив и Роналдо.

Како тогаш наградата најдобар играч на светот, да му биде навистина дадена на најдобриот играч на светот?

Златната топка е награда за индивидуалци, а не за тимови. Не се избира MVP, не бираме најдобар играч на некој турнир, ниту пак бараме некој кој освоил најмногу. За голем придонес во победите на своите тимови сите споменати до сега ги добиле најголемите можни награди. Златната топка не може да се мери со Лига на Шампионите или Светското Првенство. И тие играчи, и тие тимови веќе се наградени, па не ми е јасно зошто толку ги форсираат тимските успеси. Тие се - само тимски.

На пример, за Шпанија како репрезентација, исто како и Италија во 2006 година поголем комплимент би било дека го немаат најдобриот играч во светот, отколку на сила таа награда да им се подели на Канаваро, Чави или Иниеста само затоа што екипите на Липи или Дел Боске биле најдобрите во светот. Кога е јасно дека тој најдобар тим го има и најдобриот играч, кој на тоа СП бил најдобар како што беа Роналдо 2002 или Зидан 1998, тогаш ситуацијата е чиста. Но, зошто да се форсира награда, кога тој тим веќе ја доби својата најголема награда? Снајдер беше дел од најдобриот тим во Лигата на Шампионите и доби медал, исто и Чавинеста го покорија светот – добија медали.

ЛИОНЕЛ МЕСИ е најдобар играч на светот за 2010 година, и тој е оној кој ја заслужува оваа награда

Сакате бројки? Како ви звучат 47 голови и 14 асистенции во изминатата сезона? Со осум голови е најдобар стрелец во Лигата на Шампионите, со 34 гола и 13 асистенции најдобар стрелец и најдобар играч во Примера. Лига која неговата Барселона ја освои со доминантен учинок. Како ви звучат 16 голови во 14 настапи оваа сезона. Меси има постигнато повеќе голови отколку што има настапи.

Сакате да зборуваме за оставен впечаток? Сетете се онаа ноќ кога буквално го сруши Арсенал со четири брилијантни погодоци. А сега сетете се да пред таа утакмица дека беше водена битка за измислување на што посоодветен, посилен епитет за неговите претходни игри и моменталната титула „најдобар во светот“. Се поставуваа прашања дали е подобар од Марадона или Пеле и дали воопшто е најдобар на сите времиња? Многумина одговорија - да. Тренери, поранешни великани во фудбалот, новинари, љубителите на фудбалот...

Сакате класа? Нема играч како Меси. Кристијано Роналдо исто така има силина, дриблинг, пробивања, али Меси сето ова го прави на подруг и посебен начин. Неверојатна е леснотијата со која ги поминува одранбените играчи, неверојатна смиреност пред голот, брзина, техника, значење за тимот. Да разгледаме и вака, Меси во 2010 беше многу подобар отколку во 2009, кога уверливо ја доби Златната топка и наградата од ФИФА. Барселона овој пат не ја освои Лигата на Шампионите, но една година не се содржи од една или две утакмици, мора да го гледаме целокупниот учинок на еден фудбалер.

Сакате мислења на тренери, играчи и фудбалски стручњаци?

„Тој е незапирлив. Изгубивме од тимот кој го има најдобриот играч на светот“.
„Тој не е од оваа планета. Тој е пред сите играчи на светот. Не постојат зборови со кој би го опишал“.
„Луѓето го споредуваат со најголемите во историјата и имаат право. Тој е без двоумење најдобриот играч на светот во моментот“.
„Добро е што луѓето ме спомнуваат и мене, но Меси е најдобар на светот. Тоа што тој го може со топката е неверојатно, дава многу голови и е најдобар играч во светот“.
„ Играч како него се раѓа на секои 50 години. Тој е без двоумење најдобар во светот, подобар е дури и од Марадона“.
„Меси е најдобар играч на светот. Не можеш да го запреш во текот на целата утакмица, можеш да го задржиш со повеќе играчи, но тогаш им се отвора простор на другите“.
„Тој е најдобар на светот. Неговите способности се чудесни со оглед на годините. Мислам дека е фер кога веќе сега го споредуваат со Марадона“.

Ова се изјави од 2010 година за најдобриот играч на светот од усните на Самир Кедира, Кристијан Грос, Греам Сунес, Иан Раш, Вејн Руни, Чави и Арсен Венгер. Би било многу доколку ги додадев и изјавите на Гвардиола, Марадона и неговите други соиграчи од Барселона и Аргентина. Наведена е изјавата само на Чави, кој е кандидат за Златната Топка. Тој без влакна на јазикот изјави дека нема сомнеж кој е најдобар.

И за крај, еве ја и изјавата на Весли Снајдер од оваа година: „Мислим дека во овој момент Меси е најдобриот играч на светот“.

Сакате логика? Интер утре да му го понуди Снајдер на Меси, на Барселона ќе и требаат 2 секунди да одговори со „хахахахаха“. Интер да им ги понуди Милито, Снајдер и Маикон заедно за Меси, во Барселона пак би рекле - не. Па кој е тогаш најдобар фудбалер? Утре да играме фудбал против марсовци за спасување на човештвото, кој е првиот играч кој би го избрале? Снајдер? Форлан? Милито?!?!?!

Да, се би било полесно и поедноставно доколку Меси во Јужна Африка не осана со нула на контото на погодоци, и Аргентина да не беше прегазена од „елфот“, но Германија беше подобар колектив за што вината не може да му се припише на Меси, кога во Барса е очигледно дека тој може одлично да функционира во еден колектив. Многумина, како големиот Еузебио, и за време на тоа Светско првенство во кое на Меси на патот до голот му се испречија две стативи, греди и голманите од светов, констатираа дека „очигледно малиот Аргентинец е најдобриот играч во светот“. Него, историски, ќе го мачи настапот на СП бидејќи му треба светска титула за двобој со Пеле, Марадона и останатите, но не може да му биде толкав минус во однос на 2010. година.

И не треба да се размислува во насока „уште е млад и ќе освои неколку Златни топки идните години, на Чави и Снајдер ова им е единствена прилика“. Не, калкулациите не се оние кои одлучуваат во овие прилики, бидејќи никој не знае што ќе се случува во иднина? Што ако „Мартин Тејлор“ утре го „среди“’ Меси? Што ако неговата кариера одеднаш почне да опаѓа како онаа на Роналдињо? Што ако тимот на Барселона се распадне од некоја причина? Некој за 20-тина година ќе гледа информации на интернет и нема да знае дека најдобар играч во светот за 2010 година е Меси.

Кога некој според бројките, впечатоците, класата и по мислењето на целиот фудбалски свет јасно се издвојува како најдобар во светот, кога некој зборува за него дека е најдобар на сите времиња, тогаш овој избор би требало да биде многу полесен отколку што некои сакаат да го направат.

Интер со Снајдер беше најдобар тим во Европа за 2010, Шпанија со Чави, Иниеста и Виља беше најдобрата репрезентација во светот во 2010 година.

А Меси? Меси е најдобриот играч на светот за 2010. Без конкуренција.

Подготви: Богдан Митрев
Извор: hrsport.net

Рутинска петарда [Барселона 5-1 Сеута]

2010-11-11T16:01:00.000+01:00

Рутинска убедлива победа против Сеута од 5-1 на Камп Ноу, од која многу поважно, излегуваме со поголема самодоверба затоа што Бојан после два века пауза постигна гол (и тоа откако промаши пенал, душичка), затоа што Нолито дигна два прста кога Пеп постави прашање: кој мисли дека може да чукне на вратата на првиот тим, затоа што Тиаго Алкантара одигра одлично, Габи Милито постигна гол (и се повреди, па ќе е во аут 4-6 недели), Meси се задржа во просекот од гол на секој натпревар, а Педрито пополека влегува во голгетерска форма.

Блауграна + Македонија: Давид Бабунски растура!

2010-11-09T17:20:00.000+01:00

Нашата гордост во Futbol Club Barcelona, Давид Бабунски игра се подобро и подобро. На натпреварот против Тераса (инаку, градчето каде е роден Чави) Бабунски постигна 2 гола. Можеби е пристрасно да се каже ова, ама со контролата при првиот и финтата при вториот гол... мнооогу потсетува на едно друго момче кое во истиот дрес на младинците пред 7-8 години правеше чуда, кои не запреле до ден денес.

Давид, само напред! Visca el Barca i Visca David!

Kaко да си создадете паралелен универзум

2010-11-09T15:24:00.001+01:00

СВЕ МИ БОЈЕ ЛЕПО СТОЈЕ

28. август
МУМУ
„Барселона игра со 11 и многу често против 10 играчи.“

29. август
ПЕП
Смирени сме и работиме напорно, бидејќи „рандом“ муабетите не не интересираат.

29. октомври
МУМУ
Многу се зборува за Бензема, но има и други тимови кои имаат играчи кои чинат многу пари и не успеале да дадат гол, па не се зборува многу за нив.

ПЕП
Дали рече дека зборува за Виља? Па ако не го рекол тоа... Кога ќе го рече, ќе одговорам.

6. ноември
МУМУ
Против Реал Мадрид сите играат со полна сила, со една мала разлика, ние играме 11 против 11, додека има други екипи кои имаат повеќе среќа и речиси секогаш мечот го завршуваат со играч повеќе од противникот.

ПЕП
Дали го спомна името Барселона во таа реченица? Ако не, немам што да искоментирам.

7. ноември
ПЕП
Немам што да полемизирам. Не сум заинтересиран. Знам само дека ние се жалиме многу малку.
~~~
Специјалниот тренер може и понатаму да си го везе небосклонот на сопствениот паралелен универзум кој нема врска со Оној другиот тим чив тренер е и наводните изјави од овој тип со кој имал за цел „да го оттргне притисокот од фудбалерите“. Станува збор за еден егоманијак кој веројатно се' уште не може да му прости на клубот кон кој според зборовите кои ги кажал [„Денес, утре и засекогаш со Барса во моето срце“ - освен ако не биле наменети да го оттргнат притисокот од... некого, или нешто, сеедно] имал „специјални“ чувства за одбивањето да му го дадат диригентското стапче во периодот кога Рајкард го напушташе тимот.

БРАДАТА НЕ ТИ Е СЕКСИ, ХИПИКУ!

Едноставно, бордот на директори не бил задоволен од презентацијата на МуМу па наместо со договор со кој ќе се врати во Блауграна, МуМу заминал од канцелариите на Камп Ноу со прожекторот за Power Point, лаптопот со неговата визија за иднината на тимот и новостекнатата желба да го види на колена клубот кој „го отфрли“ по втор пат [првиот пат во 2000. кога замина да си ја бара среќата, не гледајќи иднина како асистент на Луј ван Гал]

И во тој паралелен универзум Барса секогаш ќе игра со 11 против 10, Меси секогаш ќе постигнува лесни голови наспроти неговиот пулен Кики, судиите секогаш ќе се за во затвор кога тенденциозно судат против него, секогаш ќе е силно вљубен во тимот во кој се наоѓа [без оглед на клаузулите кои ги бара да може да си замине кога сака, после секоја сезона] во конкретниов случај хранејќи го повреденото его на луѓето кои вистински го сакаат тимот кој го води, неспорно заедно со него на чело, дека и тој ја чувствува истата љубов кон нив, истата страст, пасија за меренге...се до моментот кога ќе почувствува дека е време да му ја кидне во освојување на нови хоризонти со кои по крајот на кариерата ќе пишува колумни во некој топ светски медиум не заборавајќи во секој пасус да наведе дека Тој е Специјалниот Најдобар Господар На Фудбалскиот Универзум и Се Што Постои Во Него, односно дека ако би играл сериозно фудбал некогаш во животот, за него и Пеле и Марадона би биле мали деца. За Кики да не правиме муабет, особено кога Меси е вон конкуренција.

ПЕП, 26. октомври

„Веројатно Мурињо е најдобриот тренер во светот“.

„ЈАС ЗНАЕВ, АМА УЧИТЕЛКАТА МЕ МРАЗИ И ЗАТОА МИ ПИША КЕЦ“

Неспорен е неговиот фудбалско техничко тактичко психолошки гениј, и јас лично му посакувам многу среќа на патот да го оствари замисленото, или барем да остане онаму каде што е: на позицијата најдобар тренер во светот, во било кој универзум кој му одговара.

Првиот чекор кон уживањето од тронот во вечните ведри утра во земјата Глорија ќе го има многу бргу. Поточно, веќе во среда, на Бернабеу, против силната Мурсија.

Надградено и проширено: Уште еден навивач на Барса стана светски шампион во мотоциклизам!

2010-11-08T17:57:00.000+01:00

После Хорхе Лоренцо и Тони Елијас, и во „најслабата“ категорија на светскиот шампионат во мотоциклизам триумфираше Каталонче - момче, навивач на Барселона. Марк Маркез ја освои својата прва титула во најголемото мотоциклистичко натпреварување во светот, во класата за мотори до 125 кубни сантиметри.

ТРИ ШАМПИОНИ ИМА БАРСА ВО МОТОЦИКЛИЗАМ, ТРИ!

Пред него сетапот за ваков „блауграна триумвират“ во Мото ГП го поставија Хорхе Лоренцо и Тони Елијас, исто така декларирани навивачи на Барса - за нив нешто повеќе пишувавме тука.

Честитки за Марк Маркез :)

Футболитис: Стрип на денот [08.11.2010]

2010-11-08T17:39:00.001+01:00

ХЕТАФЕ 1 - 3 ОНИЕ КОИ ВЕРУВААТ ВО МЕСИ
Папата: И, овој што го постигна голот е најдобриот играч на Барселона?
Х: Не Свет татко, ова е Бог!

*Папата Бенедикт XVI викендов ја посети Барселона. Ова беше прва посета на Папа во Барселона после 28 години, кога претходникот на Бенедикт XVI, Јован Павле II беше во градот, односно се појави пред 120.000 гледачи на Камп Ноу.

ИЗВОР: SPORT.ES
---------------------------------

Ел Мундо Депортиво пак, во својот денешен стрип вика вака:

Поштар: Нова порака од Мурињо!

Пеп: Ставете ја тука, кај останатите

Атмосферата пред Ел Класико, како и по обичај, започна да се загрева долго пред мечот. Мурињо ги праќа своите отровни стрели преку новинарите, Пеп засега ладнокрвно одбива да се впушта во медиумска војна. Следете го интензитетот на медиумските провокации, како ќе се зголемува од ден на ден во пресрет на натпреварот на есенскиот дел од Примера...

Месилување [Хетафе 1-3 Барселона]

2010-11-08T17:17:00.001+01:00

Како и по обичај, овие „анализи“ ги правиме кратки и слатки [забелешка до себе: престани со обидите за хуморима - хумористична рима; и за кованици создадени од два збора! Океј...] и кога е во прашање синоќешниот меч версус Хетафе, може да се кажат неколку работи. Прво, одлична игра особено во првото полувреме, и покрај обидот на Хетафе да ни направат „копенхаген сценарио“ играјќи блиску до нас со обид за притисок.

Финтата е што за разлика од мечот во Данска, ние изигравме дааалеку подобри 90 минути, во кои трите бода во ниту еден момент не беа доведени под знак прашалник. Виља некако [сериозно, не ми е јасно како] успеа да промаши шанса која не беше колосална, бидејќи за неа колосалната е мало дете. Сепак, ја отворивме нивната одбрана уште на самиот почеток што требаше да нагласи дека Барса со своите розе дресови (прв пат сезонава чинам дека биднаа носени) е дојдена во престолнината со цел на публиката мечот да им го направи се само розев не. И голот дојде... Вистински убавец, резултат на многу додавања меѓу Чави, Меси, Алвеш, Виља и повторно - Меси.

Лео се реваншираше за асистенцијата, откако го намести Маравиља во прилика која не се промашува [хмм...] и Астуријанецот го постигна својот петти гол во Примера сезонава, бројка која ќе беше најмалку двојна ако Давид имаше повеќе среќа и концентрација при финиширањето на акциите во овие први 10 кола. Истото важи и за целата екипа на мечот со Хетафе: резултатот лесно можеше да биде 1-6 или 1-7, меѓутоа тимот запре на бројката од три гола [иако на двапати знаменцето на судијата го спречи Педро од радување на својот прв гол во примера сезонава, досудувајќи офсајд ситуации во 2 прилики во кои Педрито ја тресеше мрежата на домаќините].

Сепак, ако два пати судиите не го уважија голот на Педро, за прекин на неговата суша во Ла Лига се погрижи глупоста на домашната одбрана и сеприсутниот Лео Меси кој по втор пат асистираше [и си ја заслужи титулата Играч на натпреварот] а Педро непогрешно реализира за 0-3.

До крајот на мечот покрај многуте шанси за гол, чие пропуштање за среќа не беше по наша штета синоќа, треба да се спомне и црвениот картон на Пике [два жолти] кој значи две работи: Ќе пропушти еден натпревар, против Виљареал во наредното коло, и второ, и по враќањето повторно ќе има 4 жолти односно ќе е на 1 жолт картон од автоматска суспензија на еден меч. Идеално би било да одмори против Алмерија, за да биде сигурно во комбинација за Ел Класико [кое патем, се' уште нема дефинитивен термин на одигрување].

Eве ги и головите...

МуМу, биди човек... [Стрип на денот, 01.11.2010]

2010-11-01T10:20:00.001+01:00

СЕГА, КОГА ВИЉА ПРОФУНКЦИОНИРА...

Пеп: „Мурињо, ајде сега речи дека Бојан е скап и дека не дава голови...“ *

*Пред неколку дена тренерот на онаа другата екипа бранејќи го својот напаѓач Карим Бензема во негов стил искоментира дека „и други играчи кои се платени по 40 милиони eвра не се во форма, па новинарите не ги критикуваат толку многу - јасно реферирајќи на Давид Виља, кој ете, случајно после ваквата „посвета“ на „специјалниот“ шибна пар голови против Севиља.

Малиот Бојан, од друга страна, се' уште гори во желбата да го постигне првиот гол сезонава. Можеби една критика од МуМу ќе биде талична и за него?

фото извор | elmundodeportivo.es

Ода за Нашата седумка [или, „Зошто Давид Виља е повеќе од играч“]

2010-11-01T10:00:00.002+01:00

Нашата седумка Давид Виља немаше постигнато гол од 29. септември и мечот против Рубин Казан на гостински терен во ЛШ, кога изедначи на 1-1 со гол постигнат од пенал.
Нашата седумка пред тоа, во Ла Лига, мрежата на противниците ја имаше затресено на два пати, во првото коло на гости во Сантандер и во четвртото, дома против Хихон.

Нашата седумка беше мета на критичарите кои ја признаваа неговата ангажираност, вклопувањето во системот на Барса, добрата соработка со соиграчите, но истите му забележуваа за неуспехот да го направи она што најмногу се бара од него - да дава голови.

Нашата седумка од натпревар во натпревар се трудеше се повеќе, и никогаш не се исфрустрира премногу на пропуштените шанси, иако причини за тоа имаше. Нашата седумка знае дека иако е важно да дава голови, уште поважно е Барса да игра добро и да победува.

Нашата седумка во четвртата минута од мечот против Севиља имаше прилика од гол линијата само да ја допре топката и да влезе во гол, после шутот на Лео Меси, со што официјално ќе ја прекине „сушата“. Но...

...нашата седумка е класа играч и класа човек.

Нашата седумка кога го постигна третиот гол во мечот против Русија на Европското првенство во 2008. истрча до клупата за резерви за да го прослави со Фернандо Торес, 9-ката на Ла Роха кој беше критикуван за неговата слаба ефективност на турнирот. Виља подоцна ќе рече дека тоа го направи за да му оддаде почит на Торес бидејќи „тој секогаш имал бенефит од играта на Фернандо, како што и Фернандо има од неговата“. Нашата седумка е најдобриот стрелец од тој турнир на кој Шпанија после 44 години повторно го освои европскиот трон.

Нашата седумка растури на светското првенство оваа година на кое „црвените“ го освоија својот прв мундијалски трофеј. Нашата седумка e најдобриот, најефективниот стрелец во историјата на Шпанската фудбалска репрезентација.

Нашата седумка има постигнато 144 гола во 247 натпревари во Примера. И снимките од головите ги има на интернет, за „секој“ кој сака да ги погледне.

Нашата седумка се вика - Давид Виља. И вреди за секој цент потрошен за него. Бидејќи Давид Виља е повеќе од играч!

------
За крај, малку Футболитис :)

ВИ ЈА ПРИКАЖУВАМЕ ЕКСКЛУЗИВНО ТРАЕКТОРИЈАТА НА ДВИЖЕЊЕ НА ТОПКАТА ПРИ ПРВИОТ ГОЛ НА ВИЉА

ИЗВОР: SPORT.ES

No further comments, your honor... [Алкоркон 1-3 Барса Б]

2010-11-01T09:07:00.001+01:00

Со-Виља 5-0 Севиља [Блауграна машинеријата - маестрална!]

2010-10-31T17:09:00.000+01:00

Недостигаше финиш? Момците се инспирираа. Тики така, старата Барса во најдобро светло. Се инспирираа против традиционално незгодниот противник. И ја смачкаа експедицијата од Севиља, среде Камп Ноу.

Против Севиља - со Виља: ова беше најчесто бираната опција во анкетата која стоеше на овој блог - и човекот не' послуша :) Постигна 2 гола, исто како и Меси. Свои 5 минути имаше и Алвеш, бирајќи да не ги прослави со трчкарање низ стадион или покажување кон ушите како некои фудбалски совршени ама карактерно недоделкани суштества во меренге комбинација.

Барса ја покажа моќта. Оние постарите ќе се сетат на едно хронично заболување кое не' фаќаше секој ноември на крајот на минатата и почетокот на оваа деценија. Синоќешната распаљотка беше добра увертира за еден плоден месец во кој би сакале за почеток да го обезбедиме пласманот во 1/8 финалето на ЛШ (уште во вторник против Копенхген), а за крај да ги поставиме работите во Примера на свое место ;)

Оваа банда со команда може се што ќе посака. И тоа ќе го покаже и докаже, на терен. Дотогаш, поклон пред најдобрата партија на Барса сезонава.

Неко меџу нама није Алкоркон [Сеута 0-2 Барса]

2010-10-27T19:30:00.001+02:00

Без еден куп првотимци кои останаа на Сиудад Еспортива да тренираат за саботниот покољ со Севиља, Барселона долета со хеликоптер во Сеута, шибна 2 гола и си замина за дома. Максвел, верувале или не го постигна првиот гол во дресот на Барса [официјален; има еден на пријателски меч] Педро го постигна првиот гол сезонава. Бојан за прв пат во својата кариера беше капитен - и пак - џабе, кога се во прашање головите... промаши и што не се промашуваше.

Реваншот е на 10. ноември на Камп Ноу.

п.с. Жефрен падна незгодно на рамото откако беше сопнат од маленкоста на Давид Кањас, тиквар кој доби жолт картон, поради што уште во 30. минута мораше да биде заменет со Нолито. 11-ката ќе одмара 4 недели...

Кога е гага, и Афелај е Цеск

2010-10-27T19:12:00.001+02:00

Ибрахим Афелај од ПСВ Ајндховен е трансфер мета на Барса, пишува sport.es. После 8-годишна романса, клубот од Ајндховен и играчот со мароканско потекло ќе раскинат, па во моментов има многу сводници заинтересирани за договор со Афелај.

ХАХА, ПЕП, И ТИ ГО САКАШ ДРУГАР НИ?

Договорот на „Иби“ со ПСВ завршува на 30. јуни 2011,а играчот одби да не го продолжи: момент кој за добар дел од силните европски клубови значеше едно - можност за бесплатно доведување на млад, искусен играч, како на клубско, така и на интернационално ниво (30 меча за „Оранје“).

Покрај Барса, за него се заинтересирани и Атлетико Мадрид, Валенсија, Мен Јунајтед, Ливерпул, Баерн Минхен, Хамбург и Интер, а последниве според шпекулациите на Tutto Mercato се подготвени уште во јануари да искешираат што треба, да не чекаат до јуни и да го спојат Афелај со Весли Снајдер.

Во една ваква комбинација може да се вклучи и Барса, земајќи во предвид дека цената во јануари би била нешто над 2 милиони евра (бидејќи во јуни ќе биде нула, нели...).

Според извори на Sport.es клубот веќе започнал контакти со ПСВ и реално е да се очекува дека ќе се бори докрај да ги обезбеди услугите на овој 24-годишен фудбалер за многу мала сума на пари, што е во склад со новата трансфер политика на тимот (демек, сиромаштија било...лажговци :) ), а токму реномето кое Барса го има во Холандија последниве 30-тина години би можело да биде пресудно доколку во јануари на пример, „Иби“ треба да бира меѓу Барселона и Интер.

Како оваа вест (трансфер) ќе влијае на плановите (желбите) на клубот да го пазари Цеск во јуни, ќе видиме. Фабре е Фабре, ама ако се покаже Афелај, соодносот 2:50 ќе добие на огромна тежина кај сите поддржувачи на купувањето на капитенот на Pride of London.

Messi no perdona [Зарагоса 0-2 Барса]

2010-10-23T21:04:00.005+02:00

Во голгетерска реприза на мечот против Копенхаген, пар голови на Лео Меси беа сосема доволни за задржување на 100% ефект на гостувањата сезонава во Ла Лига и постигнување на најдобриот старт на гости (4/4) во историјата. Со победата остануваме најмалку во првата тројка и по оваа недела, бидејќи оној другиот тим си игра играчки со Расинг и ќе си остане на чело на табелата и по оваа недела.

Околу мечот: Виља беше повторно присутен, играјќи повеќе во шеснаесеттикот, помалку во офсајди, но пак здрви статива. Барем соработката со Лео му се подобрува - одлично му асистираше за првиот гол, на пример :)

Втората егзекуција по голот на Зарагоса дојде по неуспешните обиди на Кеита и Иниеста во една акција која ја заврши повторно Лео и „го уби“ натпреварот, барем резултатски, иако тимот беше активен до самиот крај во обидите за постигнување на трет, седми и 25-ти гол.

Доминиравме на секое поле и лесно ќе ги здробевме и да не останеа со 10 играчи после глупавиот фаул т.е. удар без топка на Понзио над Даниел Алвеш. Ла Ромареда - штиклирано.

Вторник во 22:00 ќе играме против Сеута, ако некако успееме да стигнеме до таму, а наредната сабота на Камп Ноу, повторно спектакл: ни доаѓа „секогаш незгодната“ Севиља која последниот пат од наше село си замина со четворка.

Доаѓа и ноември... месецот во кој оној другиот тим кој се наоѓа на првото место, конечно ќе се соочи со неколку вистински тестови за неговото лидерство, како на пример, натпреварите со нас, Атлетик Билбао и градскиот ривал Атлетико.

It's showtime!

Нишанските справи се' уште се местат... [Барса 2-0 Копенхаген]

2010-10-21T01:24:00.001+02:00

Футболитис: Стрип на денот [19.10.2010]

2010-10-19T13:49:00.000+02:00

Заврши примирјето меѓу Лапорта и Росељ, ДОБРЕДОЈДОВТЕ ВО ВИСТИНСКИОТ СВЕТ

Лапорта: Подгответе се!!! Ова значи војна!!!

ИЗВОР: SPORT.ES

*Аl Loro! - Лапорта во еден свој говор, подоцна познат и како Laporta Al Loro зборува на генералното собрание на Барселона и упатува закани кон оние кои сакаа да му изгласат недоверба.

Аll you need is Love

2010-10-18T16:25:00.001+02:00

Без премногу зборови, сликата ќе ви каже се што треба. Океј, ајде, една реченица од нас: Андрес Иниеста очекува фамилијарна принова, Пујол е заљубен до уши во новата девојка. Кога е така, не може да нема голови. Рековме една, а биднаа две т.е. три сосема непотребни реченици... :)

LET LOVE RULE!

ЗАМИСЛЕТЕ САМО КАКО ЌЕ ИГРА ЕЛ КАПИТАНО КОГА ЌЕ МУ ДОЈДЕ
РЕДОТ И НЕМУ ДА ПОКАЖУВА „КОН СТОМАКОТ“...

п.с. По истава логика, Виља и неговата сопруга последно време имаат несогласувања :) Дури сме кај него, eве што има да ви каже...

Футболитис: Стрип на денот [18.10.2010]

2010-10-18T16:18:00.000+02:00

Росељ: „Ветив дека никогаш нема да кријам ништо од членовите... и иако ќе биде многу тешко кога ќе дојде зимата...

...го правам тоа. Краватата е само протоколарна“.

ИЗВОР: SPORT.ES

Видеа на денот: Шампионот по детството се познава

2010-10-17T22:01:00.000+02:00

Случајно налетавме на два видео клипа, на кои ќе видите едно младо момче - еднаш на 5, еднаш на 9 години - кое пред некоја недела ја прими наградата за Златна копачка на Европа и е актуелен светски фудбалер на годината.

Наравоучение: ако низ маало ви трчка некој ваков клинец, веднаш јавувајте. Ќе го пратиме на „снимање“ кај Чарли Решак :)

Уште едно видео на кое ќе ја видите нехуманоста на Лео кон противничките играчи на теренот, дриблајќи ги како мали деца (хмм... something tells me i should be feelign really stupid right now...). Нам омилен ни беше делот околу 7-мата минута и четириесет и нешто секунди, по крајот на финалниот натпревар кога едно детенце од противничката екипа легнува на терен и почнува да плаче - а Лео и бандата веднаш трчаат да го утешат, најискрено и детски. Прекрасна слика. Бујрум:

Футболитис: Стрип на денот [17.10.2010]

2010-10-17T21:49:00.001+02:00

Оние кои изгубија 79 милиони, но освоија 3 поени 2-1 Оние кои ги изгубија нервите

Пујол: „Кој нема среќа со парите... има со љубовта“ *

Еден белгиски портал објави дека наводно капитенот по постигнувањето на голот го направи „срцето“ како знак дека голот и' го посветува на новата девојка, Малена Коста.

...ЈАС ПУЈОЛ, ТИ ЏЕЈН

ИЗВОР: SPORT.ES | FUTBOLITIS

Гимнастик 1-1 Барса Б

2010-10-17T21:41:00.002+02:00

Во каталонското дерби, втората екипа на Барса ремизираше 1-1 на гости кај Гимнастик Тарагона. Голот за Барса го постигна се подобриот Нолито. Со ова реми Барселона Б со 16 поени се наоѓа на комфортна позиција во првата половина на табелата.

Камп Ноу, местото каде паднале многу „лидери“ [Барселона 2-1 Валенсија]

2010-10-17T04:43:00.001+02:00

Потешко од очекувањата? Или, сепак игравме со лидерот? :)

Одлично поставена игра на Валенсија и изедначената игра во првото полувреме во која од двете стопроцентни шанси гостите реализираа една, и дијаметрално спротивно второ полувреме поминато во потполна доминација на Блауграна машинеријата која не почести со тики така, вака онака, како сака, и постигна еден молњевит изедначувачки гол [дон Андрес] за 15-тина минути подоцна Ел Капитано да му се поклони на не баш благодарен начин на голманот на Валенсија, Цезар, за неговите одлични одбрани - и двата гола по асистенција на оној што не е повреден кога целиот свет мисли дека е - доктор Чави.

2-1=3. Изедначени по бодови со Ел Че, полека ги будиме од романтичарскиот стартен залет во Примера. Но поважно од се, ја сефтосафме новата трева на Камп Ноу со победа и три бода. Наредната можност за истото е веќе во среда, против Копенхаген.

Барселона ги затвора портите!

2010-10-14T19:14:00.001+02:00

Потпретседателот на Барса Жорди Кардонер ги објави плановите на клубот за промени во однос на можноста луѓето да се здобијат со полноправно членство во клубот (soci), наводно поради проблемите во однос на регулацијата на сезонските билети. Официјално: Барселона станува „фамилијарна институција“ затворена особено за фановите кои живеат надвор од Каталонија.

„Од 1. ноември само луѓето кои ќе ги задоволат следните услови ќе може да станат членови на клубот: да бидат роднини од прва или втора крвна линија на постоен член, да имаат помалку од 14 години или веќе да биле членови на Барса. Оваа мерка, која беше вклучена во изборната програма, е начин за да се заштити она што Барса го застапува“, изјави Кардонер, потпретседател на клубот кој е формиран од Швајцарец и во својата химна има текст како: tant se val d'on venim (без оглед на тоа од каде доаѓаме), а слоганот на изборната програма на гарнитурата на Росељ, од која е дел и тој, беше Tots som el Barca (Сите сме Барса).

КАМП НОУ ГИ ЗАТВОРА ВРАТИТЕ...

Според бордот, овие промени доаѓаат поради се поголемиот број на членови и многуте барања за сезонска карта за Камп Ноу (моментално има околу 9.500 членови кои чекаат за ваква карта), додека според податоците на клубот просечно се ослободуваат 225 карти годишно од овој тип, што значи дека просечното време на чекање на еден член за ваква карта е 42 години. А сега, со овие мерки, ова значително ќе се регулира, нели? Чисти глупости.

Ајде, да кажеме дека оваа математика вреди да се уважи... Сигурно постоел и некој друг механизам за справување со овој проблем, без да дојде до „затворање“ на клубот кон потенцијалните фанови кои со членството не претендираат кон аквизиција на сезонска карта (која после и ја продале скапо), туку само сакаат да покажат лојалност кон клубот.

Според Кардонер, со ваквите мерки самото членство во Барса ќе добие на значење: „Ова е и начин за заштита на она што Барса го претставува. Сега, можноста да се биде член ќе биде уште повеќе вреднувана“. Да. Ние членовите во моментов правиме пир со кифлички, руска салата и кока кола, радувајќи се дека сме нешто повеќе од другите и дека ако Петко сака да стане член, ќе треба да ме замоли ептен многу да го посвојам, па да може да „игра“ на фамилијарна карта.

...А КЛУЧОТ ГО ГОЛТНАА ОВИЕ МОМЦИ!
Од лево на десно: Кардонер, Росељ и двајца сомнителни батки...

Солуција има, за сите кои сакаат едноставно од љубов да спружат стопетшеесет евра годишно чисто од љубов кон клубот, бидејќи другите бенефити од членството се платнено ранче, сертификат, две бронзени значки, попуст за интернет купување во фан шопот и попуст од неколку евра за билети за натпреварите од клубот - доколку ја искористите можноста да ги набавите преку нет 10 дена пред да можат друите, попуст на ракометните и кошаркарските натпревари и внимавајте, БЕСПЛАТЕН ВЛЕЗ на натпреварите од хокеј тимот). Решението е следно: кој не се зачленил досега, или нека зачлени брат, сестра или братучед до 14 години, па по линија на крвно сродство нека аплицира за членство... или нека ја чека нашата пења која ќе се официјализира за брзо, па така да има опција за добивање некаков легален статус на официјален фан на Барса, доколку тоа е нечија желба, се разбира.

Промените стапуваат на сила од 1. ноември, но од денес до почетокот на наредниот месец не се прифаќаат нови апликации за членство.

За лицата од сликата веројатно доволен е фактот што сме тим со најмногу навивачи на Фејсбук. Unlike! Е, Гампер, Гампер...

Против Валенсија без Чави, но со Виља

2010-10-14T18:42:00.001+02:00

Полека се екипираме и се подготвуваме за саботното дерби против лидерот на табелата Валенсија. Па во очи на натпреварот, неколку блиц информации:

-Чави дефинитивно е надвор од составот. Докторите му забранија да игра и на овој натпревар со цел што подобро да заздрави и најавуваат негово враќање во тимот на виталниот натпревар од ЛШ против лидерот во групата Копенхаген, во среда на Камп Ноу од 20:45.

КОНЕЧНО, ПРВ!

-Најсреќниот меѓу фудбалерите за спасувањето на рударите во Чиле и најдобриот стрелец во историјата на Шпанската репрезентација Давид Виља (има ист број на голови како и Раул Гонзалес во дресот на Ла Роха, 44 на број, но постигнати во 33 натпревари помалку од легендата на Реал - односно има уште многу натпревари во кои ќе може не само да го сруши рекордот на Раул, туку и да постави недостижни бројки во догледно време за било кој друг напаѓач), ќе биде во тимот кој ќе се соочи со неговиот довчерашен клуб и покрај малата повреда која ја заработи на мечот на Шпанија во Шкотска. Токму против Ел Че, Виља ќе има шанса да се врати во голгетерска форма, а Астуријанецот најави дека доколку тоа се случи, нема да го прославува голот. Ма, само нека им шибне 3 парчиња и ич нека не ги слави. Никој нема да му се налути.

-Самуел Ето беше гостин на тренинг на Барса, за прв пат после заминувањето во Интер. Ето во Каталонија пристигна првенствено на средба со Зубизарета и договарање на идната соработка на неговата фондација со клубот.

-Има новитети околу членството во клубот, но за тоа во посебен пост...

Футболитис: Стрип на денот [14.10.2010]

2010-10-14T18:28:00.000+02:00

Меси стана заштитно лице на Dolce & Gabanna

Лажниот Роналдо: „Неееееееееееееее!!!

ИЗВОР: SPORT.ES

ЕМД Стрип на денот [14.10.2010]

2010-10-14T18:25:00.000+02:00

Најдобриот соујзник на Валенсија против Барса

„Фифа Вирусот“ *

*Термин со кој се означува заморот на фудбалерите меѓу две првенствени кола во кои патуваат во различни земји за кратко време поради репрезентативни обврски.

ИЗВОР: ELMUNDODEPORTIVO.ES

Барса Б 3-1 Тенерифе

2010-10-11T17:44:00.000+02:00

Б тимот на Барса, довчерашната Барселона Атлетик, на Мини Естади го совлада Тенерифе со 3-1 забележувајќи ја петтата победа во седмиот натпревар од овогодинешната сезона во втората шпанска лига. Одличниот старт на четата на Луис Енрике ги донесе на четвртата позиција на табелата, 3 бода зад лидерот Селта Виго.

Обрнете внимание на вториот гол на „младинците“ постигнат од Нолито, 9-ката на Барса Б и човекот кој доби шанса и со најдобрите фудбалери на клубот на натпреварот против Мајорка.

Целата табела можете да ја погледнете тука.