Panta rei, освен ние и клубот!

Два трофеи порано, кога последен пат искомунициравме тука (божем муабетиме подолго од некои 2 недели) се случија неколку работи: Ибрахимовиќ го постигна последниот гол за Барселона, Виља првиот, Лео најави дека оваа сезона ќе атакува на бројката од 283 гола, Рони и Лапорта „како луѓе“ се простија од клубот кој не е познат по тоа, Купот на шампиони во мало повторно е актуелен, а Бускетс на поклон за добрите игри и за инат на критичарите доби на поклон 22 милиони евра вредна играчка од Аргентина. Но, одиме со ред...

London Calling!

Долго, долго /некои 2 и пол минути можеби/ размислував за насловот на текстот и се одлучив за овој наместо „Сезоната започнува во сабота“ бидејќи ми делуваше подетерминиран и поинтересен, крајно гледано. Има и причина зошто. Сепак, суштината на овој текст можеби веќе надзира како погледот на месечината од лансирната рампа во Кејп Канаверал, сместени во удобните седишта на Аполо: Мисија Блауграна 2010/11. Она што останува е палењето на моторите. Секвенца на одбројување: 10, 9, 8, 7, 6, 5, 4, 3, 2....1! Моторите се палат!

ФАЛА, АМА НЕ ФАЛА!

Велат дека убавината е категорија определена од факторот место и факторот време. Во случајов би се сложил само за да ја постигнам компаративната паралела со типот на луѓе кои кога не може да егзистираат дури ни на жабри во постојниот простор и постојното време, имат желба која кај некого утврдила и навика да се живее во паралелна димензија.

Две години Пеп!

Еве што напиша нашиот пријател Богдан Митрев, по повод двегодишнината од првиот натпревар на Жозеп „Пеп“ Гвардиола како тренер на првиот тим на Барса:

Gràcies / Thank You / Blagodarime

Exactament fa dos anys, el 13 d'agost de 2008, PEP GUARDIOLA debut amb el Barcelona contra el Wisla Cracòvia (qualificació CL) guanyant 4-0, una victòria que va començar una època, que els germans Kiril i Metodi dg inventat paraules amb les que ella pot per descriure, descripció més propera de l'època és el fenomen extraterrestre.

Molt Gràcies ! 

Exactly 2 years ago, on August 13, 2008, PEP GUARDIOLA had its debut for Barcelona against Wisla Krakow (Qualifying CL) winning 4-0, a victory that began an era, which the brothers Cyril and Methodius didin't invented words with which the era can be described, closest description of that era is extraterrestrial phenomenon.

Bienvinguts, Macedonis!

Додека се крчка официјалниот веб-сајт на (се' уште) неофицијалната Пења, домејнот кој го регистриравме како официјален за Фан Клубот на Барселона во Македонија го пренасoчуваме тука, на оваа адреса (сепак ќе е полесно да не добиете преку блауграна.мк, адреса на која подоцна ќе продолжиме со официјалниот веб сајт) бидејќи сезоната започнува, веќе за три дена во Севиља на натпреварот од Супер купот на Шпанија, па може да скршиме неколку реда муабет тука, да направиме едно сефте :)

Околу статусот Пења т.е. официјализирањето, фудбалски речено, поминавме на половината на „противникот“ и атакуваме кон создавање на гол шанса - односно, го чекаме првиот нареден состанок на Бордот кој треба формално да даде амин за легислативна легализација на Пењата во согласност со позитивните законски прописи во Македонија. Документите и за тоа се речиси подготвени, па спремни ќе го дочекаме моментот после кој ќе ни останат уште некои ситни формалности и стекнувањето со статус Официјален фан клуб на ФК Барселона во Македонија!

Не грижете се, има добра екипа која се грижи за се за што вие не морате :)

Засега нека биде толку, колку за почеток, за добредојде и здравоживо. Наредниот пост ќе е посветен на натпреварот со Севиља (веројатно, освен ако не „откачиме“ кон нешто друго, инспирирани моментално:) ). Се читаме!

Visca el Barca
Visca Catalunya
Visca Macedonia