Барселона ќе игра без Меси два натпревари [Спортинг Хихон и Атлетик Билбао], но Пеп Гвардиола ќе има тешка задача да ја закрпи „дупката“ која ја отвори ступидноста на Улафлуши, без тимот да изгуби на креација и ефективност. Кој ќе го завземе местото на Лео?
Гвардиола има опции, но изборот не е лесен бидејќи во ваква ситуација Барса не била одамна: Меси играше на последните 36 натпревари, стартуваше на 33 од нив и постигна 37 голови. Да, да се замени најдобриот во светот е голем проблем.
Па, со какви опции располага Пеп?
Секоја солуција во себе содржи барем едно од овие две имиња: Бојан и Виља. Крилните позиции може да се покријат со Педро и Виља, нешто што се покажа како солидна опција во минатите два натпревари во кои Лео играше како „лажна деветка“. Во овој случај деветката на тимот ќе ја завземе природната позиција [откако едвај дочека да се дограби до бројот на грбот по заминувањето на Ибра] со надеж дека ќе започне да „стрела“ како што доликува на некој со токму таа бројка на грбот. Минатата година Бојан постигна 8 гола во Примера, полош скор од дебитантската сезона 2007/08 кога беше прецизен 10 пати. Ако оваа година не се подобри, реално е за очекување наредната да биде вклучен како колатерална штета во некој трансфер.
Втората опција е Виља да се пресели од левата крилна на централната напаѓачка позиција, на која е и повеќе навикнат. Во тој случај лево би можел да игра Бојан [каде што движеше и во Супер Куп мечот против Севиља, 4-0], или таму ќе видиме уште еден играч кој особено минатата година често ја предводеше напаѓачката оска на Барса по левата страна - Андрес Иниеста. Во вториот случај, партнер на Чави и Бускетс во средината ќе им биде Сејду Кеита.
Има и трета опција која е можеби најмалку веројатна, но Пеп веќе ја има тестирано на првиот меч од Супер Купот во Севиља: Максвел како лево крило.
Дефинитивната одлука на Гвардиола за тоа како ќе изгледа Барса без Меси, ќе ја дознаеме утре на Камп Ноу, во натпреварот против Спортинг Хихон.
Претплати се на:
Коментари на објава (Atom)
Нема коментари:
Објави коментар